Page 365 - Дүпсүн сирэ

тоҕус сааһыттан сылдьыспыта. Ийэтин кытта тэҥҥэ сүөһү иитиитигэр илин-
кэлин түсүһэн, элбэхтик көмөлөһөн абыраабыта. 1949 сыллаахха улахан дьо-
ну кытта Кэбээйигэ сут дьыл от үлэтигэр барсыбыта. Онтон ыла от үлэтигэр
кыдамаһыт, косилкаһыт быһыытынан уонна кыһынын оҕуһунан, атынан фер-
маларга от тиэйиитигэр сылдьыбыта. Уйбаан күүстээх-уохтаах, бөдөҥ-садаҥ,
ыраас туттуулаах, кыайыгас, толоругас уол буола улааппыта. Маһы суорары-
нан кырдьаҕастары сөхтөрөрө. Ол иһин дьиэ тутуутугар көмөлөһөн элбэх дьон
махталын ылбыта. 1958 сыллаахха Дабаадымаҕа, Бээдигэ кыладыапсыгынан
үлэлээбитэ. 1959—92 сылларга Дүпсүҥҥэ араас салайар үлэҕэ, сирэй бири-
гэдьииринэн, управляющайынан, совхозка хаһаайыстыбаннай чаас директо-
рынан, сылгыга старшай зоотехнигынан, диспетчеринэн, ДьУоКК маастары-
нан үлэлээн, 1991 сыллаахха пенсияҕа тахсыбыта. Пенсияҕа тахсан да баран,
балыыһаҕа завхоһунан 1996 сылга диэри үтүө суобастаахтык үлэлээбитэ.
Иван Парфирьевич оҕо эрдэҕиттэн сылгыны таптыыра, көрсөрө-харайсара,
кэлин уһун кэмнэргэ сүүрүк аттары баайыынан утумнаахтык дьарыктанан
холкуоһун, совхоһун аатын бастыҥнар кэккэлэригэр киллэрэн элбэхтик аат-
таппыта, сураҕырпыта. Бэйэтэ эдэригэр дэгиттэр спортсмен этэ, билигин да
кинини 70 саастаах оҕонньор диэбэт киһи. Иван Парфирьевич — нэһилиэк
Бочуоттаах гражданина. Нэһилиэгин, оройуонун, Тыа хаһаайыстыбатын ми-
нистерствотыттан элбэх грамоталарынан, 1979 сыллаахха «Москвич» массыы-
на фондатынан, 1968 сыллаахха оттооһуҥҥа республикаҕа бастаан аан маҥнай
телевидениеҕэ тыл этэн турардаах. НХСБ-гар бара сылдьар чиэскэ тиксибитэ.
Кини 5 оҕо тапталлаах аҕата. Оҕолоро бары үрдүк үөрэҕи бүтэрэн, бэйэлэрин
идэлэринэн үлэлии-хамсыы сылдьаллар.
Варвара Дмитриевна Прибитых

Эр киһи аҕа баһылык буоллаҕына
«Олоххо эриллэн-мускуллан, үлэҕэ-хамнаска хатарыллан киһи буоллаҕым», —
диэн бэйэтин туһунан сэмэйдик быһаарар 5 уол, 3 кыыс тапталлаах аҕата, үлэ
ветерана, нэһилиэк Бочуоттаах олохтооҕс Василий Макарович Илларионов.
Кини 67 сыл аннараа өттүгэр Тэбиик нэһилиэгэр Амахан диэн алааска күн
сирин көрбүтэ. Эһэлэрэ Илларионов Бүөтүр-Харбыыска Уус маһы суоран ба­
ран холбуу туттаҕына, быһах да биитэ баппат гына көнөтүк суорара үһү. Ки-
ниэхэ ыраахтан, чугастан дьон ыскаап, дьааһык сакаастаан оноттороллор эбит.
Аҕалара Макар Петрович сэрии буолуон аҕай иннинэ өлөн, үс оҕо аҥаардас
ийэ көрүүтүгэр кыһалҕанан улааппыттара. Ийэлэрэ Домна Николаевна Ле­
нин аатынан холкуоска ыанньыксытынан үлэлээбитэ, оҕолор ийэлэригэр
илии-атах үлэтигэр көмөлөһөллөрө. Василий оччотооҕу оҕо сиэринэн суту-
сутурҕаны, тоҥору-хатары, үлэни-хамнаһы эрдэттэн билбитэ. Сайынын Туо-
ла сайылыкка сайылыыллара, кыракый уолчаан атах сыгынньаҕын сайыҥҥы
куйааска ойуурга хорҕойбут ынахтары хомуйууга сырата-сылбата эстэрэ, ыам
саҕана бороохтуйбут ньирэйдэри эмнэрии, эт эттээһиҥҥэ сосуһуу кыра оҕоҕо
туһугар биир туспа үлэ буолара. Окко тэбис-тэҥҥэ сылдьыһара, бугул түгэҕин
329