Page 527 - Дүпсүн сирэ

Аняны биэс сааһа туолуор диэри биһиэхэ ииттэрбитэ. Ону мин дьонум кыр-
дьаннар, кыайан үөрэттэриэхпит суоҕа диэн Федора Томпоҕо кэргэнигэр көһөн
барарыгар биэрэн ыыппыттара. Аня билигин Тааттаҕа Ытык Күөлгэ олорор,
идэтинэн быраас, кэргэннээх, оҕолордоох, сиэннэрдээх. Билинни араспаан-
ньата Филатова диэн. Балта Катя Ытык Күөлгэ олорор. Меркурий, Вален­
тин эдэр саастарыгар оһолго түбэһэн өлбүттэрэ. Василий биһиги эдьиийбит
өлбүтүн кэннэ атын дьахтары кэргэн ылан олорбута.
Анастасия Николаевна Ушницкая
Муру саһарҕата. — 1996. — Балаҕан ыйын 17 к.
Уйбаанчык уолаттара

Константин Никифоров аччыгый уола Иван-Акы Уйбаанчык биэс уоллааҕын
туһунан ахтан турабын...
Семен Иванович Дүпсүн улууһугар исполком секретарынан, үп салаатын
сэбиэдиссэйинэн үлэлээбитэ. «Сонун олох» диэн холкуоһу тэрийсибитэ. Кэ-
лин Пушкин аатынан библиотекаҕа өр кэмҥэ кылаабынай бухгалтерынан
үлэлээбитэ. 1942 сыллаахха Аҕа дойду сэриитигэр ыҥырыллан, фроҥҥа тиийэн
сэриилэһэ сылдьан өлбүтэ. Анна диэн кэргэннээх этэ, оҕолоро суоҕа, ол иһин
быраата Сергей Иванович Никифоровтан биир кыыһы ииппиттэрэ. Марфа
Семеновна 9 оҕолоох, элбэх сиэннэрдээх, Чэриктэйгэ олохсуйбута.
Григорий Иванович үөрэҕэ суоҕа, сааһын тухары холкуос үлэтиттэн илии-
тин араарбатаҕа. Чэриктэй нэһилиэгэр олохтоох кыыһы кэргэн ылан, онно
олохсуйбута. Кинилэр улахан уоллара Григорий Григорьевич художественнай
училищены бүтэрбитэ, хас да сыл Дүпсүн оскуолатыгар черчение, уруһуй пред-
меттэригэр учууталынан үлэлээбитэ. Кылаас тас өттүгэр уруһуй куруһуогун тэ-
рийэн, оҕолору сүрдээх көхтөөхтүк дьарыктыыр этэ. Оччотооҕу оҕолор оҥорбут
уруһуйдара билигин даҕаны Дүпсүн кыраайы үөрэтэр музейыгар быыстапкаҕа
тураллар. Улахан талааннаах портретист. Ону учууталлар күлэн-оонньоон
«ааһан иһэн тардар художник» диэн ааттыыллара. Билигин Дьокуускайга оло­
рор, кэргэннээх, оҕолордоох, сиэннэрдээх. Балта Александра үрдүк үөрэхтээх
экономист-бухгалтер, кэргэннээх, оҕолордоох. Быраата Григорий, кыра балта
Галина — кэргэннээхтэр, үлэлииллэр, Дьокуускай куоракка олороллор.
Дмитрий Иванович Дүпсүн (Тэбиик) нэһилиэгэр алтынньы 19 күнүгэр
1913 сыллаахха төрөөбүтэ. Дүпсүн сэттэ кылаастаах оскуолатын бүтэрэн ба­
ран, 1931—37 сс. Уус Алдан народнай судьуйатынан уонна Анаабыр оройуо-
нун Советын исполкомун секретарынан үлэлээбитэ. 1938—1953 сс. Найахы
сэттэ кылаастаах оскуолатыгар биология учууталынан үлэлээбитэ. Биологияҕа
тыыннаах муннугу тэрийбитэ, соҕурууттан черепаханы кытта аҕалан иитэ сыл-
дьыбыта. 1953—55 сылларга оройуоннааҕы олох-дьаһах комбинатыгар пла-
новиктаабыта. Кэлин Бүтүн Союзтааҕы кинооператордар институттарыгар
кэтэхтэн үөрэнэн, кинооператор буолбута. 1963 сылтан ССКП чилиэнэ этэ.
1977 сыллаахха өлбүтэ. Кини сүрдээх үчүгэй тойуксут, норуот ырыаһыта этэ.
«Сүрэҕим үөрүүтэ» диэн кинигэлээх.
Дмитрий Иванович олус эйэҕэс, элэккэй, үөрүнньэҥ, куруук үөрэ-көтө
467