Page 528 - Дүпсүн сирэ

сылдьар майгылааҕа. Олоҕор төһө да ыарахан түгэннэр көрсүбүттэрин иһин,
барытын аһара-туттуна, таһыгар биллэрбэт курдук буола сылдьааччы. Кэргэнэ
Елена Яковлевна үс оҕо амарах, тапталлаах ийэлэрэ, эрэллээх эйэҕэс кэргэн
этэ. Оҕолоро Яков Иванович үрдүк үөрэхтээх үөрэх управлениетын методиһа,
кини кэргэнэ Венера Гаврильевна үрдүк үөрэхтээх медик, пенсияҕа олорор.
Жирковтар кыыстарын уолун кыыһа, онон Яков Иванович Никифоровтарга
уол даҕаны, күтүөт даҕаны, син билбэт киһиэхэ дьиктилэрдээх, Анатолий СГУ-
ну бүтэрбитэ, икки оҕолоох, кэргэнэ Анастасия Сергеевна үрдүк үөрэхтээх
учуутал, икки уоллаахтар. Анатолий Дмитриевич Тулуна оскуолатыгар үлэлии
олорон, эдэр сааһыгар, уоппускатыгар Дьокуускай куоракка сылдьан, хомол-
толоохтук оһолго түбэһэн өлбүтэ. Дмитрий Ивановичтаах кыыстара Алексан­
дра Бороҕоҥҥо олорор, улуустааҕы СЭС үлэһитэ.
Николай Иванович Дүпсүн сэттэ кылаастаах оскуолатын үөрэнэн бүтэрбитэ
уонна Дьокуускайга орто анал үөрэххэ үөрэнэ сырыттаҕына, 20 саастаа|зар,
1942 сыллаахха Аҕа дойду сэриитигэр ын ырыллан, артиллерийскай взвод ха-
мандыырынан сылдьыбыта, лейтенант званиелааҕа, Кенингсберг куораты
штурмалааһыҥҥа геройдуу охтубута, икки Кыһыл Сулус уордьаннарын, бойо-
буой мэтээллэрин кавалера этэ.
Иван Никифоров биэс уолаттарын олохторун туһунан тус бэйэм тугу би-
лэрбим суруйдум.
Анастасия Николаевна Ушницкая
Муру саһарҕата. — 1996. — Балаҕан ыйын 17 к.

Никифоров Сергей Иванович
Саха норуотугар уһулуччу үтүөлээх общественнай деятель В.В.Никифоров-
Күлүмнүүр бииргэ төрөөбүттэрэ ахсыа этилэр. Улахан убайа Көстөкүүн икки
уоллааҕа. Акы Уйбаанчык диэн уолуттан Сергей, Ньукулай, Миитэрэй, Сэмэн,
Григорий уонна икки оҕо төрөөбүттэрэ. Кинилэртэн Сергей Иванович Ники­
форов аата төрөөбүт улууһугар киэҥник биллэр. Кини улуус элбэх көлүөнэ ыч-
чатын математикаҕа, физикаҕа, географияҕа үөрэппит-ииппит, Мүрү, Дүпсүн
оскуолаларыгар директорынан, учууталынан өр сылларга үлэлээбит кырдьаҕас
көлүөнэ учууталлартан биирдэстэрэ буолар. Ол да иһин киниэхэ биһиги улуус-
путугар бастакылар кэккэлэригэр Саха АССР үтүөлээх учуутала диэн үрдүк аат
иҥэриллибитэ.
Биэс уонус сылларга холкуостары бөдөҥсүтүү, бөһүөлэктэри кииннээһин
политикатын олоххо киллэриигэ Сергей Иванович Никифоров Мүрү орто
оскуолатыгар директорынан олорон төрөөбүт-үөскээбит Дүпсүнүгэр Тэбиик,
Чэриктэй нэһилиэктэрин сэттэ холкуостарын түмэн, Карл Маркс аатынан
бөдөҥсүйбүт холкуос тэриллиитигэр бырабылыанньа бэрэссэдээтэлинэн быы-
бардаммыта. Кини кэккэ сылларга бөдөҥсүйбүт холкуос тэрилтэ-хаһаайыстыба
өттүнэн бөҕөргүүрүгэр улахан кылаатын киллэрсибитэ. Сергей Иванович кэр­
гэнэ Наталья Прокопьевналыын 10 оҕону төрөтөн-иитэн, дьон онорбуттара.
Анна Петровна Андреева
Муру саһарҕата. — 1996. — Балаҕан ыйын 12 к.
468