Page 529 - Дүпсүн сирэ

Афанасьевтар — Дүпсүн сирин төрүт уус дьонноро
Афанасьев Павел Федорович
( 1786- 1851)
1828—1849 сс. Дүпсүн улууһун кулубатынан үлэлээбитэ.
Афанасьев Петр Павлович — Бөтөрүүсэ кулуба
( 1826-1869 )
1849—1852 сс. Дүпсүн улууһун кулубатынан үлэлээбитэ.
Афанасьев Алексей Петрович
( 1843- 1906)
1862-63 сс. Дүпсүн улууһун кулубатыгар кандидат. 1864—1869 сс., 1870—
1872 сс. Дүпсүн улууһун кулубата. 12 оҕолоох эбит. Дүпсүн улууһун кыахтаах
баайа. 1872 с. Дүпсүннэ министерскэй училищены астарбыт, чааһынай би­
блиотека тэриммит. Сыылынайдар Н.Страндены, Д. Юрасовы, П. Ермоловы
кытта доҕордоһон дьиэтигэр олордон үлэлиир, олорор усулуобуйаларын тэрий-
бит. Кинилэр көмөлөрүнэн күөллэри дириҥэтии, ыраастааһын, собо балыгы
көһөрүү үлэтинэн дьарыктаммыт. 1896 с. Нижнэй Новгородка промышленнай
быыстапкаҕа собону, алыһары, хатыыһы үөскэтии туһунан суруйан көрдөрөр
матырыйааллары бэлэмнээбит. Станиславскай, Анненскай лентэлээх үрүн
көмүс мэтээллэринэн, Бочуотунай кафтанынан наҕараадаламмыт.

Афанасьев Михаил Алексеевич
Афанасьев Михаил Алексеевич П.А.Афанасьев-Бөтүрүүсэ бииргэ төрөөбүт
быраата. Политсыылынай Д.Ю.Юрасов 15 саастааҕар дойдутугар илдьэ баран,
Пенза куорат гимназиятыгар, онтон Москватааҕы императорскай университет
юридическай факультетыгар үөрэттэрбит. Бу үөрэҕин 1897 сыллаахха бүтэрэн,
сахаттан маҥнайгы үрдүк үөрэхтээх юрист буолбут. Санкт-Петербурга, Саха
сиригэр уокуруктааҕы суукка, Дьокуускай куорат мировой судьуйатынан
үлэлээбит. 1899 с. уокурук прокурорун солбуйааччытынан анаммыт. Ста­
ниславскай III степеннээх уордьанынан наҕараадаламмыт. Бу бириэмэҕэ
М.А.Афанасьевы Саха уобалаһын губернаторынан үлэлииригэр этии киллэ-
рэ сылдьыбыттарын аккаастаабыт. Колин дьиэ кэргэнин олоҕун усулуобуйа-
та табыллыбакка, дойдутуттан тэйэн Рязаҥна, Москваҕа уокурук суутугар
үлэлээбит. Советскай былаас кэмигэр Москваҕа Саха сирин бэрэстэбиитэлис-
тибэтигэр юристаабыт.

469