Page 524 - Дүпсүн сирэ

мөлтөөн-ахсаан биэрэр адьынаттаахпыт. Бүлүүлэр, ордук сунтаардар, таатта-
лар, мэҥэлэр, хаҥаластар хайдахтаах курдук күүстээх үлэни ыыталларын киһи
сөҕөр, ымсыырар эрэ. Оттон биһиги төһө эмэ президент, правительство хай­
дахтаах курдук улахан суолтаны биэрбиттэрин, көмөлөһөр дьаһаллары ылым-
мыттарын үрдүнэн кэлинни уон сылга В.В.Никифоров төрөөбүт улууһугар
маассабай информация средстволарыгар, музейнай, библиотечнай ситимнэр,
оскуолалар, культура тэрилтэлэрин нөҥүө ыытыллар тылынан пропаганда-
ны, Бороҕон уонна Дүпсүн сэлиэнньэлэригэр Күлүмнүүр аатынан уулусса-
лары аахсыбатахха, киһи хараҕар быраҕыллар, үйэтитиигэ күттүөннээх үлэ-
хамнас баара биллибэт. В.В. Никифоров төрөөбүтэ 130 сылыгар бэлиэтэммит
республиканскай дьаһаллар чэрчилэригэр киирбит музей-уһаайбаны, музей-
библиотеканы тутууну дүпсүттэр күн бүгүнүгэр диэри сүһүөҕэр туруора илик-
тэр. Оттон Дьокуускай куоракка В.В.Никифоров пааматынньыгын оҥоруу,
уулуссаҕа, үөрэх, наука, библиотека тэрилтэлэригэр кини аатын иҥэрии, СГУ
юридическай факультетын студеннарыгар анал стипендияны олохтооһун боп-
пуруостара сүһүөҕэр турбатылар. Дьаныһан туруорсубут, эккирэтиспит буол-
лар итилэртэн саатар биирэ-эмэтэ баар буолуо этэ.
Быйыл В.В.Никифоров төрөөбүтэ 140 сылынан эмиэ Дьокуускайга, Уус
Алдаҥҥа республиканскай дьаһаллар барыахтара, ол иһигэр быйылгы улуус
ыһыаҕа Күлүмнүүр аатынан ыытыллыаҕа.
В.В.Никифоров-Күлүмнүүр курдук XX үйэҕэ саха норуотун тарбахха батта-
нар бастын’ дьоннорун дириҥ өйүнэн-санаатынан, хайа да былааска норуотун
инникитин, кэскилин туһугар туруулаһан үлэлээбитинэн-хамсаабытынан моон-
ньоох баһынан үрдүк таһымҥа турбут сүдү киһибитин үйэтитиигэ, үөскүүр-
үүнэр көлүөнэҕэ үйэлэргэ өлбөт-сүппэт, бэйэтин курдук сүдү өйдөбүнньүгү
туруорар саха норуотун бүттүүнүн, ол иһигэр уус алданнар, мүччүрүйбэт
ытык иэспит. Ол инниттэн, В.В. Никифоровы үйэтитии ааспыт 14 сыллаах
үөрүйэхтэрин туһанан, итэҕэстэртэн уруок ылан, Күлүмнүүр төрөөбүтэ 150
сылын үбүлүөйүгэр туһаайан, кэлэр уон сыллаах программа оностон, хас
биирдии сылларынан чопчу дьаһаллары бэлиэтээн, бэйэ уонна республи­
ка үбүн-харчытын тыыран, правительство таһымнаах рабочай комиссияны
бигэргэттэрэн үлэлиир буоллар хамсааһын тахсыан сөп этэ. Улуу биир дой-
дулаахпытын үйэтитиини төһүү оностон, норуот бүттүүнэ киэн туттуутугар
киирсэр бастыҥ дьоннорбутун ааттарын үйэтитиигэ (оннук дьоннор биһиги
историябытыгар аҕыйаҕа суохтар), атын улуустар курдук, хоннохтоохтук ылсар
кэммит кэллэ.
И. Сыроватскай, журналист
Муру саһарҕата. — 2006. — Ыам ыйын 13 к.

464