Page 533 - Дүпсүн сирэ

улууһу кэрийэн үөрэҕириини, ыраас олоҕу агитациялыыллара, концерт, спек­
такль туруораллара. Советскай былаас Афанасьев В.Ф. кулаак оҥорбут. Васи­
лий Федорович үөрэхтээх буолан, Москванан ааһыммыт. Быраабын төттөрү
биэрэр туһунан докумуон кэлбитин улуус сэбиэтэ биэрбэтэх.
Афанасьев Николай Федорович-Дохсун
( 1888- 1937)
Дьокуускайдааҕы гимназияны бүтэрбитэ. Улуус суруксута, учуутал, Чара-
ҥайга бэйэтин үбүнэн оскуола туттарбыта. Дьокуускайга олорон, эдэр биир
дойдулаахтара үөрэнэллэригэр, үлэ булалларыгар өрүү көмөлөһөрө.
Афанасьев Федор Федорович-Аччыгый Сүөдэр
Быһа холуйан 1890 сыллар саҥаларыгар төрөөбүт, 1950 сыллар саҥаларыгар
өлбүт. Профессор В.Ф. Афанасьев аҕата. Өр сылларга араас тэрилтэлэргэ бух-
галтерынан үлэлээбит. 11 оҕолоох эбит.

Афанасьев-Алданскай В.Ф.
( 1917- 1993)
Саха Республикатын Наукаларын үтүөлээх деятелэ, К.Д Ушинскай,
Н.К.Крупская, А.С.Макаренко ааттарынан педагогическай мэтээллэр толору
кавалердара, РФ норуотун үөрэҕириитин туйгуна, Алтай Ленинской комсо-
молун бириэмийэтин лауреата, Уус Алдан улууһун уонна Дүпсүн нэһилиэгин
Бочуоттаах гражданина, СР суруйааччыларын Союһун чилиэнэ, поэт-сатирик,
педагогическай наука доктора, профессор Виктор Федорович Афанасьев-
Алданскай 1917 сыллаахха кулун тутар 22 күнүгэр Дүпсүн улууһун 1 Өспөх
нэһилиэгэр элбэх оҕолоох сэниэ дьиэ кэргэҥҥэ төрөөбүтэ. Бэйэтин педагоги­
ческай үлэтин өссө 14 саастааҕар, 1931 сыллаахха, Уус Алдан оройуонун Суотту
начальнай оскуолатыгар учууталынан саҕалаабыта. Нөҥүө сылыттан 1938 сылга
диэри Чараҥай сэттэ кылаастаах оскуолатыгар учууталлаабыта уонна Чэриктэй
начальнай оскуолатын сэбиэдиссэйэ буолбута. 1939 сыллаахха үөрэнэр сыал-
лаах Дьокуускай куоракка киирбитэ уонна үөрэнэ-үөрэнэ «Социалистическая
Якутия» хаһыакка рабселькордар отделларын сэбиэдиссэйинэн үлэлээбитэ.
1941 сыллаахха Дьокуускайдааҕы пединститут историяҕа уонна тылга факульте-
тын студена буолбута. Сэрии сылларыгар үөрэҕин тохтотон, Горнай оройуонун
Бэрдьигэстээх орто оскуолатын директорынан, комсомол райкомун I секрета-
рын эбээһинэһин толорон туран үлэлээбитэ. Сэрии кэнниттэн Дьокуускайга
төннөн, ЫБСЛКС Обкомун Дьокуускай куораттааҕы комитетын лекторскай
бөлөҕүн салайааччынан, учууталлар идэлэрин үрдэтэр институт историяҕа
уонна конституцияҕа кабинетын сэбиэдиссэйинэн, үөрэх министерствотын
инспекторынан, марксизм-ленинизм киэһээҥҥи университетын ректорынан
ситиһиилээхтик үлэлээбитэ. 1947 сыллаахха Дьокуускайдааҕы пединституту
кэтэхтэн үөрэнэн бүтэрбитэ.
1950 сыллаахха олоҕун наукаҕа аныыр сыаллаах РСФСР Наукаларын Ака-
демиятын аспирантуратыгар киирии экзаменнары ситиһиилээхтик туттарбыта,
473