Page 573 - Дүпсүн сирэ

Сивцев Семен Герасимович
( 1927- 1989)
Саха Республикатын культуратын үтүөлээх үлэһитэ олоҕун бэчээккэ анаабыт
биллиилээх журналист Сивцев Семен Герасимович 1927 с. Найахы нэһилиэгэр
төрөөбүтэ. Ийэлээх аҕата эрдэ өлөннөр, тулаайах уол Дүпсүҥҥэ эдьиийдэри-
нэн, убайдарынан «Сонун олох» холкуос миэстэтинэн иитиллибитэ, улааппы-
та, үөрэммитэ. 1948 сыллаахха Дьокуускайдааҕы культурнай-сырдатар оскуола-
ны бүтэрэн, Эдьигээн оройуонугар культуратын дьиэтин директорынан үлэтин
саҕалаабыта. 1952 сылтан «Кыым» хаһыакка үлэлиир. 1953 с. кэскиллээх эдэр
үлэһити Москваҕа Үрдүкү комсомольскай оскуолаҕа үөрэххэ ыыталлар. «Эдэр
коммунист» хаһыакка отдел сэбиэдиссэйинэн, онтон Мэҥэ Хаҥалас оройуо­
нугар «Кыым» хаһыат корреспонденынан үлэлиир. «Эдэр коммунист» хаһыат
хаттаан тэриллибитигэр комсомольскай олох отделын сэбиэдиссэйинэн ана-
нар. 1959 с. Ленинградтааҕы Үрдүкү партийнай оскуолаҕа журналистика от-
делыгар үөрэнэ киирэр. Оскуоланы бүтэрэн кэлэн, Үөһээ Бүлүү «Коммунизм
сардаҥата» хаһыат редакторынан ананар, партия оройуоннааҕы комитетын бю-
ротун чилиэнинэн талыллар. 1966 сыллаахтан пенсияҕа тахсыар диэри «Кыым»
хаһыат партийнай олох отделыгар корреспонденынан үлэлиир.
Семен Герасимович сытыы бөрүөлээх, кырдьыксыт журналист быһыытынан
республика ааҕааччыларыгар улаханнык биһирэппитэ. Дьон-сэргэ сыһыаныгар,
сиэр-майгы тематыгар сытыы проблемалары туруорара. Үтүө майгытынан,
аламаҕай сыһыанынан дьоҥҥо сөбүлэтэрэ. Саха саарына В.В.Никифоров
олоҕун, үлэтин үөрэтиигэ олоҕун тиһэх күннэригэр диэри үлэлэспитэ.
Өр сыллаах таһаарыылаах үлэтэ Саха АССР Верховнай Советын Прези-
диумун, Комсомол КК, ССРС журналистарын Союһун Бочуотунай Грамота-
ларынан бэлиэтэммитэ. «1986 сыл бастыҥ журналиһа» ааты ылбыта. 1991 с.
СР культуратын үтүөлээх үлэһитэ ааты сүкпүтэ. Кэргэннээх, үс кыыһыттан
иккитэ үрдүк үөрэхтээх үлэһит дьон буолбуттара. Сэмэн 1989 с. 71 сааһыгар
ыалдьан өлбүтэ.
Василий Федорович Сивцев,
СР уөрэҕириитин ту игу на, ветеран учуутал

Босикова Евдокия Афанасьевна-Сэбиэт Дэбдэ

Мин эдьиийим Босикова Евдокия Афанасьевна туһунан кылгастык
аҕыннахха, Тэбиик нэһилиэгин, бүтүн Дүпсүн да улууһун дьахталларыттан
сэрии уонна сэрии кэннинээҕи олоҕу чөлүгэр түһэрии сылларыгар, Хрущев,
Брежнев: «Коммунизмы адьас сотору тутабыт», — диир да сылларыгар кини
курдук элбэхтик үлэлээбит дьахтар суох буолуо. Кини үүт-табаарынай ферма
сэбиэдиссэйинэн, хас да төгүл төхтүрүйэн сэбиэт, холкуос бэрэссэдээтэллэ-
ринэн, бөдөҥсүйбүт холкуостар биригэдьиирдэринэн, райсовет инструкторы-
нан, 1933—34 сыллартан саҕалаан 50-ча сыл устата, күүстээх, эр санаалаах,
доруобай эр киһи үлэтин толорбута. Чингиз Айтматов «Ийэ сирэ» диэн айым-
ньытыгар Толганай диэн киргиз дьахтарын уобараһын Саха Республикатын
489