Page 618 - Дүпсүн сирэ

тыа хаһаайыстыбатыгар туһалыыр 6 тыһ. гектар сирдээхтэриттэн аҥаардас
тыһыынчаттан тахсатын бу улуу Эбэ тэбэн биэрэр эбит.
Сүөһү мэччирэҥин таһааран туран, оттоноро 800 гектар. Бээди алааһын
икки өттүнэн бөһүөлэктэн ынах сылгы-сүөһү киирэн мэччийэр. Ол үрдүнэн
алаас көҕүрээбитэ көстүбэт. Токур хотуур түһэн хотутуо дуо диэх курдук
нэлэһийэн сытар. Ити гынан баран, быйыл сайын бэс ыйыгар халлаантан там-
мах сиик түспэккэ, хотоол сирдэргэ эрэ хотуурга биллэр үүнүүлээх. Онон,
охсооччу ахсын биирдии гектар иэннээҕи быһан биэрбиттэрэ сиирэ-халты
тиийдэ. Уолаттарга Мэҥэ Хаҥалас Мооругун эдэркээн охсооччута, онус кылаас
үөрэнээччитэ Ваня Тихонов былырыын Кыргыдайга түбэһиэхчэ кыайбатаҕын
өссө төгүл бигэргэттэ. Аҕыс чаас устатыгар 1,19 гектар сири дайбаан кэбистэ.
Инньэ гынан былырыыҥҥы дуолан охсооччуну икки суотайынан куоһарда.
Советскай саҕанааҕы күүлэйдэргэ элбэх бириэмийэҕэ тиксибит Гаврил Пав­
лов аҕам саастаах охсооччуларга (35-тэн 55-гэр диэри) хаардыы хааман бас-
тыырын таһынан быйылгы күүлэй «Дуолан охсооччутун» аатын ылары си-
тистэ. Көрдөрүүтэ 1,65 гектар. Бу бөлөххө былырыыҥҥы кыайыылаах, Бүлүү
Чочутун охсооччута Федор Попов тиһэҕэр диэри геройдуу кииристэ эрээри,
Павловка уонна Василий Аммосовка (Уус Алдан, Курбуһах) сабырыйтаран,
үсүһүнэн дуоһуйда. Кырдьаҕас охсооччуларга былырыыҥҥы чемпион, Чэрик-
тэй олохтооҕо, 58 саастаах Иван Свешников (Уус Алдан) бу да сырыыга кими
даҕаны тутуһуннарбата, аҕыс чаас устатыгар аҕылаан көрбөккө, балтараа гектары
дайбаан уопсай түмүккэ дуолан охсооччу кэнниттэн иккис көрдөрүүлэннэ.
Дьахталларга Ньургустана Васильева (Уус Алдан, Курбуһах) Евдокия Ва­
сильева (Мэҥэ Хаҥалас) туһааннааҕынан 0,80 уонна 0,78 гектары алта чаас
устатыгар охсоннор утарылаһааччыларын ырааҕынан хааллардылар. Оттон 65
саастаах Татьяна Егоровна Фомина (Уус Алдан, Найахы) бу сырыыга бөлөҕөр
үһүстээтэ. Курбуһахха техник-осеменаторынан үлэлиир Елизавета Коммуна-
ровна Аммосова 0,95 гектар көрдөрүүлээх кыахтаахтык бастаата. Ыраас суол-
лаахтарынан сураҕырбыт Горнай охсооччуларыттан 9 кыыс, 1 уол амарах ийэ-
лэрэ Мария Кудаисова 0,52 гектары охсон иккис миэстэни ылары ситистэ.
Хамаанданан түмүккэ Уус Алдан сүүмэрдэммит хамаандата кыайыылааҕынан
тахсан, тыа хаһаайыстыбатын министерствота туруорбут мини-тракторын ылла.
Нэһилиэгинэн тэринэн кэлбит түмсүүлээх курбуһахтар иккис буоллулар.
Василий Никифоров,
хаһыат анал корр.
Саха сирэ. — 2005. —От ыйын 29 к. (хаһыаттан быһа тардыы)

Дүпсүнгҥэ уматык станция
«Туймаада-нефть» 35-с станциятын аһыллыыта сэтинньи 18 күнүгэр Дүпсүн
сиригэр буолан ааста. Дүпсүн баһылыгын эбээһинэһин толоро сылдьар Нико­
лай Сивцев эппитинэн, бу «дүпсүттэр туруорсан туруорсубут дьыалалара», дьэ
олоххо киирэн хоту эҥээр нэһилиэктэр: найахылар, чэриктэйдэр, өспөхтөр,
дүпсүттэр бэйэлэрэ үөрүүлэрэ улахан. Хоту эҥээргэ уматыктаах киин буол-
бут Дүпсүн киирэр аартыга хараҥаҕа көрдөрдөххө, сана уматык станциятын

534