Page 9 - Дүпсүн сирэ

Күндү ааҕааччы!
Эн дьүүлгэр Дүпсүн сирин түҥ былыргытыттан билиҥҥи кэмҥэ диэри
историята суруллубут кинигэтэ бэчээттэнэн таҕыста.
Бу кинигэҕэ улуус, нэһилиэк историятын суруйууну саҕалаабыт Федоров
В.Г., Федоров Д.И. нэһилиэк И.Д.Стрекаловскай аатынан кыраайы үөрэтэр
музейа, хас да көлүөнэ дьон муспут матырыйааллара, архыып докумуоннара
киирдилэр.
Кинигэ Дүпсүн сиригэр араас кэрдиис кэмнэргэ олорон ааспыт, норуот
билиниитин ылбыт, номох буолбут өбүгэ дьоммут, саха омук быһыытынан
сайдыытыгар, билиниитигэр сүдү кылааттарын киллэрсибит ытык-мааны
дьоммутун үйэтитиигэ, ааспыт кэми бүгүҥҥү көлүөнэни кытта ситимниир со-
руктаах.
Дүпсүн историятын суруйуу, матырыйаалы түмүү музей тэриллиэҕиттэн
сүрүннэнэн, утумнаахтык ыытыллан кэллэ. Музейы төрүттээбит, өр сыллар-
га салайан үлэлэппит И.Д.Стрекаловскай үгүс кыһамньытынан, дьаныар-
даах үлэтинэн баай матырыйаал хомуллан, кэлэр да өттүгэр элбэх көлүөнэ
көрүүтүгэр, үөрэтиитигэр төрөөбүт дойдуга, кини историятыгар ытыктабыл-
лаах сыһыаннаһыы тыыныгар иитиэҕэ.
Кинигэ матырыйаалын хомуйан оҥорууга, бэчээккэ бэлэмнээһиҥҥэ улахан
үлэни оҥорбут Ховрова М.И., Романова М.И., үлэни сүрүннээһиҥҥэ, маты­
рыйаалы көрөн, редакциялаан бэлэмнээбит Сыроватскай И.И. биир дойдулаах-
тарын ааттарыттан дириҥ махталбын тиэрдэбин.
Уруккута улуус, билиҥҥитэ бөдөҥ нэһилиэк историята барыта биир кини-
гэҕэ кыайан толору арыллыбат.
Нэһилиэккэ үйэтитиигэ аналлаах элбэх хайысхалаах үлэ ыытыллар. Нэ-
һилиэк иһинэн «Ытык сир учуотугар киирбит миэстэлэри көрүү-харайыы
туһунан» анал дьаһал тахсан, историческай 10 миэстэ туһааннаах аймахта-
рынан, тэрилтэлэринэн сыһыарыллан паспордааһын, историятын үөрэтии,
көрүү-харайыы, үйэтитии соруга турар.
Ааспыт үйэ саҥатыгар аан бастаан Россияҕа Саха сирин туһунан киэҥник
сырдаппыт, билиһиннэрбит, көрдөрбүт, Нижнэй Новгородка, Москваҕа икки
төгүл дойдубут олоҕун-дьаһаҕын, хаһаайыстыбатын, культуратын көрдөрөр
быыстапканы аһан үлэлэппит, «Сахалар дьиэтээҕи олохторо-дьаһахтара» диэн
бөдөҥ монографияны суруйан хаалларбыт, бастакы публичнай библиотеканы
тэрийбит, земскэй управа председателинэн үлэлиир кэмигэр Саха уобалаһыгар
бэйэни салайыныы боппуруоһун аан бастаан көтөхпүт, «Сахалар союзтарын»
5