Page 58 - Березкин И.Г. Сайсары күөлэ уонна Сайсары булгунньаҕа

Бэргэннээх, оҕу тыыппакка, аттарын сиэбэккэ, дойдуларын
диэки куоппуттар. Кинилэр Буор Ыларынан, Ленаҕа киирэн,
Улуу Туймаадаларыгар туораабыттар.
Били сүөһү уулата барбыт икки энньэ-кулут кыргыттар
хонууга мээнэ хаалан хаалбыттар. Кинилэр илин диэки баар
Таммара үрэххэ киирэн, сүөһү суолун булан, Өнөр Өлтөк диэн
баай киһиэхэ тиийбиттэр. Он но сүөһүлэрин сүөһүгэ холбоон,
сылгыларын сылгыга холбоон, бэйэлэрэ үчүгэйдик иитиллэн,
улаатан, киһи-хара буолбуттара эбитэ үһү.
Оттон Хардаҕастай Бэргэн, Улуу Туймаадатыгар киирэн,
Бүлүү төрдүн диэкиттэн биир баай кыыһын кэргэн ылбыт,
уруутугар Майаҕатта-Бэрт Хараны оонньоппут. Бахчыгыр
Баатыр буоллаҕына кэнники иккиһин кэргэн ылбыт, онтон
Дагда диэн биир мөлтөх уолу төрөппүтэ кэпсээн буолар этэ1.
Быраата Саһыл Бытык диэн киһи Алдан уҥуор, ханна эрэ,
Саһыл аҕатын ууһун үөскэппитэ эбитэ үһү.
Уус-Алдан оройуонун Курбуһах нэһилиэгин олохтооҕо
Михаил Николаевич Колодезни-ков кэпсээбитэ. Кини
1904 сыллаахха тө-рөөбүтэ. Кэпсээнньит тылыттан
фолькло-рист И.Г. Березкин 1983 сыллаахха олунньу
ый 23-24 күннэригэр суруйбута.

Сахалар Халымаҕа аан бастаан кэлиилэрэ
Бэрт былыргыттан кэлбит кэпсээн быһыытынан, Халымаҕа
аан бастаан, ыраахтааҕы түһүүтүттэн-тардыытыттан куотан,
үс бырааттыы сахалар кэлэн испиттэр. Ол бырааттыылар
ааттара Элкээйи, Түмээни уойна Элчээни диэн үһүлэр.
Кинилэр үһүөн иккилии дьахтардаахтара үһү.
Бырааттыылар ат көлонон кэлэн испиттэр. Бэйэлэрин
кытта наадалаах малларын, туттар сэптэрин-сэбиргэллэрин
уонна хас да үөр атыырдаах сылгыларын илдьэ испиттэр. Ол
кэлэн иһэннэр, Алдан чугаһыгар баар Тукулаан Сиһэ диэп
таас хайаҕа хаайтаран хаалбыттар. Муҥнана сатаан кээспит-
тэр да, кыайан дабайбатахтар. Хайа да муҥунан сылгы тахсар
сирин булбатахтар. Онон онно 9 хонукка хаайтаран олорбут-
тар.

Бахчыгыр Баатыры сорохтор Бахсыгыр Баатыр диэн ааттыыллар.
56