Page 7 - Кырдьаҕас үөрэх кыһата Дүпсүн орто оскуолатын 135 сыла
P. 7
Ол суругар бэйэтин библиотекатын, кинигэлэрин Дүпсүн нэһилиэгин
дьонугар анаабыта уонна улууска публичнай библиотеканы тэрийэргэ
сүбэлээбитэ. Бу кини Дүпсүнүн дьонун сырдыкка, үөрэххэ, наука
эйгэтигэр тардыһыыга ыҥырыыта, кэриэһэ этэ. Ол туолбатаҕа.
Никифоров В.В. өр сылларга өйүн-санаатын түмэн, сыралаһан муспут
кинигэлэрэ уот буолан күдэҥҥэ көппүтгэрэ, суох буолбуттара.
Революция иннинээҕи национальнай интеллигенция биир бөдөҥ
киһитэ, өркөн өйдөөҕө репрессия тимир көлүөһэтигэр мэлиллэн 70 сыл
аата аатгамматаҕа. Кини сырдык аата билигин норуотугар тилиннэ.
Норуот учуутала
(Ушницкай Платон Афанасьевич).
Дүпсүн улууһун киһитэ, сахаттан биир бастакы үөрэхтээх учуутал
Платон Афанасьевич Ушницкай төрөөбүт дойдутугар сырдыгы, үөрэҕи
тарҕатыспыт саха интеллигенциятын чаҕылхай бэрэстэбиитэлэ этэ.
Кини 1901 сыллаахха Якутскайга духовнай семинарияны туйгуннук
үөрэнэн бүтэрэн Бороҕоҥҥо, Дүпсүҥҥэ учууталлаабыта. Казаннааҕы
инородческай семинарияҕа үөрэнэ барбыта. Үөрэххэ дьоҕурдаах эдэр
киһи семинарияны туйгуннук үөрэнэн бүтэрбитэ. Дойдутугар кэлэн
Нам улууһун киинигэр учууталынан үлэлээбитэ, саха норуотун чаҕылхай
уола М.К.Аммосовы бастакы кылааска үөрэппитэ.
