Page 129 - Элэс Боотур Бүөтүр Оҕотоойоп

)ЛЭС БООТУР 113

Хол-буут холоһон,
Хаҥыл күүс мээрэйдэһэн
Улуу дойдуну
Уу курдук оломноотулар,
Отун-маһын
3760 Үлтү үкгээтилэр.
Toijyc түүннээх күн устата
Тохтоон, уоскуйан турбакка,
Top тэһииннэрин тардыһан,
Торҕо уодьуганнарын тутуһан,
Оройдорун ойбонноһон,
Чэчэгэйдэрин тэсиһэн,
Чэгиэн эттэрин сэймэктэһэн,
Чиргэл унуохтарын тоһутуһан,
Кыһылларын көрө-көрө
3770 Кырылыы кыынньан,
Хааннарын көрө-көрө
Харсыларыттан тахсан,
Эттэрин көрө-көрө
Иирэн, илбиһирэн,
Илин өттүлэригэр
Иккилээх оҕо саҕа
Илбис кыыһын
Илэ иэритэн,
Ойоҕос өттүлэригэр
3780 Олорор оҕо саҕа
Оһол уолун
Олох субу онолутан,
Суоллар эт
Суолтатын санаабакка,
Тохтор хаан
Туһатын өйдөөбөккө,
Тоһуттар унуох
Тускутун толкуйдаабакка,
Быстар тыын
3790 Былдьаһыгын ырыҥалаабакка,
Өлөр өлүү
Үлүгэрин өйдөөбөккө,
Тыын сирдэрин
Таба туттаары,