Page 130 - Элэс Боотур Бүөтүр Оҕотоойоп

114 П. В. ОГОТОЕВ

Тиигир курдук тиниктэһэ,
Сиэгэн курдук силиктэһэ,
Хахай курдук
Харса-хабыра суох
Хапсыһа сырыттылар.
3800 Эһэ Хара аттаах
Элэс Боотур обургу
Сындалыйбыт, сыралара быстыбыт
Улуу күтүрдэри,
Тулутуох бэйэлээх буолуо дуо,
Тэптэҕин аайы тэмтээкэйдэттэ,
Оҕустаҕын аайы умса туруйалатта.
Абааһы аймаҕын
Ааттаах адьырҕаларын
Ый отут хонугар
3810 Ситэ тиэрдибэккэ
Өлөрөн-өһөрөн,
Кыа хааннарын
Кыыс бэрбээкэйинэн кэстэ,
Айыылаах-харалаах
Эттэрин-хааннарын
Ый ыһыаҕа гынан ыста,
Күн күдэнэ гынан көтүттэ.
Улахан убайдарын
Уот Урбалдьын обургуну
3820 Тиэрэ быраҕан,
Түөһүттэн тэбинэн туран
Сүллүүлээх сүрэхтэри,
Хайҕахтаах хара быардары,
Тыынар тыҥалары
Холбуу хостуу тардан ылаат,
Үҥүүтүн төбөтүгэр үөлэн
Өрө уунан эрдэҕинэ,
Илбис кыыһа
Иирэр эмэгэт
3830 Куо Кустуктай обургу
Кэннигэр кэлэн
Кэтэспитэ ырааппыт эбит —
Үҥүүтүн өргөһө
Кубарыс гына түһүөр диэри