Page 133 - Элэс Боотур Бүөтүр Оҕотоойоп

ЭЛЭС БООТУР 117

Уруй-туску буоллун!
Албан-дьоһун ааккар
3910 Айхал - мичил буоллун!
Өлөртөн өрүһүйбүт
Ү т үөҕүн - өҥөҕ үн
Үйэм тухары өйдүөм,
Өлөр-хаалар күҥҥэр өрүһүйүөм,
Үтүөнү үтүөнэн төлүөм,
Ыксал күн н эр
Ыҥырар буолаар», — диэт,
Үс төгүл
Үҥкүрүс-күөлэһис гынаат,
3920 Чаан олгуй саҕа төбөлөөх,
Икки алтан солуур
Айаҕын саҕа ис уоттаах
Эрили-дьэҥкир харахтаах,
Былас ордуга түөс аҥара
Дьойуо хара тумустаах,
Күнү күлүктүүр
Күкүр хара кынаттаах,
Саабылаан батыйалары
Таҥнарыта саайталаабыт курдук
3930 Тимир тиһилик хотоҕойдоох,
Харалаабыт хотуурдары
Хардарыта туппут курдук
Хара дэгиэ тыҥырахтардаах,
Арбыйа тимирдэри
Адаарыччы саайталаабыт курдук
Атара дуорсун кутуруктаах,
Үс хос тимир чыллырыыт түүлээх,
Үс сиринэн туос ала
Өксөкү кыыл буола охсон,
3940 Үрдүк мэҥэ халлаан
Үрүт өттүн диэки
Өрө көтөн күйгүөрэ турда.
Саталаах салгыны
Сапсыйан көттөҕүнэ,
Хонно ҕуттан - быттыгыттан
Холлоҕос быһаҕаһын саҕа
Кутаа уоттар