Page 89 - Элэс Боотур Бүөтүр Оҕотоойоп
P. 89
ЭЛЭС БООТУР 8 9
Кэннилэринэн киэр илгээт,
Муну-сору булгурутар
2820 Мунур болотторунан
Төбөтүн сиигин
Таптарбыт дэһэн
Түһэрсибитинэн бардылар.
Мунур болотторо
Булгурута баран,
Эт илиилэринэн
Эттэспитинэн бардылар.
Биһиги киһибит
Бургунас ынах caija
2830 Болторхой сутуругун
Суулуу тутта да,
Улуу күтүр
Уу дьулайын
Таптарбын диэн
Уордаах этиҥ түспүтүнүү
Охсубутунан барда.
> Абааһы уолун ааттааҕа
Адаҕыс гынан
Аһаран биэрээт,
2840 Алталаах-сэттэлээх
Атыыр оҕус саҕа
Сымара таас сутуругун
Суулуу тутта да,
Айыы оҕотун
Албан ааттааҕын
Тыын сирин
Таптарбын диэн,
Т эйиэккэлии-тэйиэккэлии,
Тиҥиргэччи түһэрбитинэн,
2850 Уһуутуу-уһуутуу
Омуннаахтык, уорааннаахтык
Охсубутунан барда.
Сырбатыспахтаан иһэн
Сон курдук кэтиллэ,
Саҕынньах курдук саптылла
Түстүлэр да
Сабырҕах сабырҕахтарыттан
