Page 90 - Элэс Боотур Бүөтүр Оҕотоойоп

90 П. В. ОГОТОЕВ

Сабыта харбаһан,
Бүүрүк бүүрүктэриттэн
2860 Бүүрэ тутуһан,
Үөгүлэһэ-үөгүлэһэ өттүктэһэн,
Хаһыытаһа-хаһыытаһа халбарытыһан,
Хаһыыра-хаһыыра,
Хахайдыы хапсыбытынан бардылар.
Харахтарыттан
Хатат уота сардырҕаата,
Сирэйдэриттэн
Сиэрэ уота сирдиргээтэ,
Эрбэхтэрин тыаһа
2870 Этиҥ этэрин курдук
Иҥсэлээхтик иһилиннэ,
Тарбахтарын тыаһа ж
Табык тыаһын курдук
Лачыгырыы ooHHbooTOj
Атахтарын тыаһа
Аллараа дайды
Акылаатын айгыратта,
Сутуруктарын тыаһа
Үөһээ дайды
2880 Өһүөтүн өндөҥнөттө.
Көтөхсүбүт сирдэрэ
Көҥүс үрэх буолан
Көҥүрүттэн түстүлэр,
Халбарытыспыт сирдэрэ
Хаспах сир буолан
Хайыттан бардылар,
Ойуоххалаабыт сирдэрэ
Онон-манан
Олороот-боллороот буолан
2890 Уһулута ойон таҕыстылар,
Сис хайалары
Сииктээх от курдук
Сиҥнэритэ кэстилэр,
Туруук таас хайалары
Тоҥ туос курдук
Тоҕута тэбистилэр,
Туруу бараан дойдуну