Page 86 - Элэс Боотур Бүөтүр Оҕотоойоп

Урууну, оҕолонууну уһатыма,
^Улдьаа мэник,
Кыра балтыгын
Кыыс Чэрэлиини
Таҥара табатын курдук
2710 Таҥыннара охсон
Таһаара тардый, нойоон!»— диэтэ.

Элэс Боотур

«Көр бу! Көр бу!
Ааһар былыт курдук
Ааһар-куотар албастаах
Адьарай албынын,
Айаҕын абатын!
Көтөр былыт курдук
Кулан-дьай кубулҕаттаах
Көстүбэт көлдьүнэ
2720 Куолайын куруһунун
Көрөлл өөр -көрбөттөөр!
Халыҥ тириигин хайытыам,
Хараҥа хааҥҥын тоҕуом,
Чиргэл унуоххун кумалыам,
Чэгиэн эккин сэймэктиэм’ ,иэт,
Боппууда буордаах хокуосканы
Хайа хайдыбытын курдук
Хааҥсаар муннун
Харыс кэриҥэ
2730 Хайы аспытыгар
Өлүү уолун үлүгэрдээҕин
Үөннээх өһөх хара хаана
Өндөл маҥан халлаан
Үрдүк өрөһөтүгэр тиийэ
Өрө уһуура түстэ.
Содуомнаах сутуруктаах
Соххор суоруна соһуйан
Үс төгүл үөһүн тартаран
Ү өгүл үү-үөгүл үү,
2740 Өрүтэ ыстана-ыстана,
Үөхсэ турда.