Page 92 - Элэс Боотур Бүөтүр Оҕотоойоп

92 П. В. ОГОТОЕВ

Күдэн күүстэрэ көҕүрээн^ - j
Көбүөхтэс гына
2940 Көппөйө уҥан хааллылар.
Охсуһар кыахтара
Олох эстэн,
Уолук-уолуктарыттан ылсан,
Аһыы оту сиэбит
Атыыр оҕус курдук,
Буугунуу-буугунуу
Тоҥ күөс быстыҥа
Туймааран турдулар.
Тохтоон туран да
2950 Туһа суох буолсу буолан,
Тыын ылаары,
Түөс түөскэ түсүһэн
Түҥнэритэ анньыһан кэбистилэр.
Абааһы уола
Хоту тыа саҕатыгар
Тэмтэрийэн тиийэн
Хонноҕун анныгар диэри
Хара буорга
Хантас гына олоро түстэ.
2960 Оттон биһиги киһибит буоллаҕына
Соҕуруу тыа саҕатыгар тиийэн
Курданарыгар диэри
Лах гына олоро түстэ.
Үс тоҥ күөс быстыҥа
Тыыннарын кыайан ылбакка,
Икки харахтарын быһа симэн,
Сайыҥҥы куйааска
Сыарҕаны кыайан соспотох
Сытыган оҕус курдук бөтүөхтүү,
2970 Истэрин түгэҕиттэн
Икки хаардаах бугул саҕа
Үрүҥ күүгэн
Өрө үллэ олордулар.
Нэһиилэ тыыннарын ылаат,
Бэйэ-бэйэлэрин билгэлии,
Хаан-чаҕаан сэбэрэлэрин,
Сүдьү-бараан дьүһүннэрин,