Page 47 - Олоҥхо биһигэр

СЫҤААХ НЭҺИЛИЭГЭ

1. БУРНАШОВ НИКОЛАЙ ПЕТРОВИЧ-БООДОҔОС
( 1 8 4 6 - 1 9 5 0 )
Төрөөбүт сирэ Сыҥаах нэһилиэгэ. Кэлин I Лөгөйгө көспүт. Ийэ-
лэрэ уран тарбахтаах иистэнньэҥ уонна үчүгэй ырыаһыт, кэпсээнньит.
Онон оҕолоро ийэлэрин утумнаан бары кэпсээнньит, остуоруйаһыт
буолбугтара. Боодоҕос айылҕаттан бэриллибит, ийэтиттэн үөрэммит
кэрэ куоластаах ырыаһыт, олоҥхоһут. Кини киэҥ сиринэн сылдьы-
быт. Бодойбо бириискэтигэр 9 сыл, Муустаах муора кытыытыгар 3
сыл, Аддаҥҥа 2 сыл, Дьокуускайга 10 сыл, Киллэмҥэ 7 сыл былаһын
тухары хамнаска сылдьыбыт. (ф.5, оп.7, ед.хр. 854. Норуот айар идэ-
лээхтэрин паспордара). 40 сааһыттан дьиҥнээх олоҥхоһут аатырбыт.
Куоракка бастаахтарга ыҥырыыга сылдьан олоҥхолообут. Боодоҕос
хатыҥыр, улахана суох уҥуоҕар сөбө суох кэтит түөстээх, нүксүгүр
улахан көҕүстээх оҕонньор эбитэ үһү. Иккитэ кэргэннэммит. Оҕолоро
өлбүттэр. Бороҕонтон 15 биэрэстэлээх Хампа диэн сиргэ көмүллүбүт.
Оҕонньор 104 сааһын туолан өлүөр диэри ыллаабыт-туойбут. «Кыыс
Дэбилийэ бухатыыр» олоҥхото «Саха былыргы сэһэннэрэ уонна кэп-
сээннэрэ» диэн серияҕа туспа кинигэнэн бэчээттэммитэ. Саха Ака-
демическай театрыгар А.С.Борисов бу олоҥхону туруорбута. 2002 с.
Россия театральнай критиктэрин уонна журналистарын көрүүтүгэр
ситиһиилээхтик кыттан «Көмүс мааска» номинациятын бирииһинэн
наҕараадаламмыта.
Олоҥхолуурга үөрэппит дьоно:
Чохдоруйа уола Мэхээлэ — Нам.
Олоҥхоһут Маайа — Таатта.
Наара Суох — Бороҕон.
Олоҥхолоро:
1. Орто дойду буойуна Оҕо Дуолан Бухатыыр.
2. Үс курдаах Үөлэн Хардааччы.
3. Тумул тыа кэтэҕинэн быстан түһэн эрэрин курдуктуус маҥан
аттаах Туоллар Баай Тойон.
4. Үтүө киһи көхсүн хаана үктэллээх Өттүк Молдьой Буха­
тыыр.
5. Күлүгүнэн оонньуур көҕөн элэмэс аттаах күүстээх-уохтаах
Күскэм Даадар.
6. Бэрт мыраан кэтэҕинэн быһа ыстаммыт курдук мэгэлгэннээх
бэкир сиэр аттаах Бэрт киһи Бэриэт Бэргэн.
7. Күннүк усталаах, көс туоралаах Көрүлүүр Көр Дьэллэк Буха­
тыыр. (5 ф., 7 уоп., 51 дь.)
8. Баай киһи Баһымньы Баатыр. (5 ф., 7 уоп., 146 дь.)
9. Кыргыска мииниллэр кыһыл буур аттаах Кыыс Дэбилийэ
Бухатыыр. Дьяконов С.Н. 1941 с. суруйбут. (5 ф., 7 уоп., 51 дь.)

43