Page 49 - Олоҥхо биһигэр

2. БУРЦЕВ ЕРЕМЕЙ АММОСОВИЧ-ОМЧУУКА
1940 сыллаахха 60-чатыгар өлбүт. Намна, Дьокуускайга олонхо-
луу сылдьыбыт киһи. Олоҥхолоро суруллубатахтар.
3. БУРЦЕВ КОНСТАНТИН НАЗАРОВИЧ-
ОЛОҤХОҺУТ КӨСТӨКҮҮН
( 1 8 9 5 - 1 9 4 3 )
Нэһилиэгэр, улууһугар биллэр обургу олоҥхоһут уонна уус киһи.
Чараҥ ыһыаҕар П.А. Ойуунускай ыҥырыытынан атын олоҥхоһуттары
кытта кэлэн олоҥхолообут. Эмиэ П.А.Ойуунускай тэрээһининэн
куоракка ыҥырыллан төрдүө буолан олоҥхолообуттар. Олоҥхолоро
радионан бэриллибит.
Олоҥхолоро:
1. Күлүгүнэн оонньуур күөкэ дьаҕыл аттаах Көрүлүүр Көр Дох-
сун.
2. Тура төрөөбүт дьондолу тураҕас аттаах Дьулуруйа Бөҕө.
3. Улуу муора сүнньүн уута утахтаах Улуу Туйгун Бухатыыр.
4. Дьиикэй тураҕас аттаах, чиэрбэ кулахай тыллаах Дьиэрбэк
Бэргэн
5. Күннээх-ыйдаах сиргэ күөнүн-даамын биэрбэтэх күүстээх-
уохтаах Күскэм Даадар.
1—3, 5 олоҥхолору Олоҥхоһут Көстөкүүн аймаҕа педагогиче-
скай үлэ, сэрии ветерана Бурцев Н.Д. 30-с сылларга истибит.
4. ПОПОВ МИТРОФАН АНДРЕЕВИЧ-МОЧОХООС УОЛА
( 1 8 5 0 - 1 9 5 3 )

1953 сыллаахха 100-һүн ааһан баран өлбүт. Аҕата Мочохоос
ойуун, соҕотох уола эбит. Кини эдэригэр Бүлүү сүнньүнэн, Өлүөнэ
умнаһынааҕы улуустарынан, Бодойбонон, Охотскайынан элбэх сыл
үлэлээн, олоҥхолоон аһаан сылдьыбыт. Күннээн олоҥхолообут сир-
дэрэ: Өлүөнэ умнаһынааҕы улуустар, Бодойбо, Дьокуускай куорат.
Олоҥхолоро:
1. Сэттэ күннүк сиртэн тэлэгэччийэн-дьэллигирэн аһыыр дьэл-
лик элэмэс аттаах Нэлэмэн Куо.
2. Дьалысханнаах сырыылаах, дьалхааннаах айаннаах дьаҕыл сиэр
аттаах Хаан Дьаргыстай.
(Көр: Алексеев Р.П. — Тэбиик нэһилиэгэ)
3. Дуолан Бөҕө.
4. Кылааннаах уһуктаах Кыыс Дэбилийэ.

5. ТОЙТОС СҮӨДЭР
Бороҕон улууһун кырдьаҕас аатырбыт олоҥхоһута. Хайа нэһилиэк
буолара чуолкайдаммата. Р.П. Алексеев оҕо сылдьан бу олоҥхоһуту
көрбүт, олоҥхолуурун истибит. «...1915 сыллаахха биһигиттэн икки

45