Page 52 - Олоҥхо биһигэр

1 ЛӨГӨЙ НЭҺИЛИЭГЭ

1. НИКИФОРОВ ЛАРИОН ПРОКОПЬЕВИЧ
XIX үйэ олоҥхоһута. Киниттэн олоҥхолуурга Олесов П.С.-Күөх
Бүөтүккэ үөрэммит. (Норуот айар идэлээхтэрин паспордара). (5 ф.,
3 уоп., 854 дь.)
2. НИКИФОРОВ МИХАИЛ СЕМЕНОВИЧ
XIX үйэ олоҥхоһута.
Олоҥхото:
1.Байдам сиэр аттаах, баай киһи оҕото Баабый Баатыр.
(Көр: Олесов П.С.-Күөх Бүөтүккэ, Сыҥаах нэһилиэгэ.)

3. ПЕТУХОВ НАЗАР РОМАНОВИЧ-
НАҺААР БӨТҮКҮӨП,
ДЬАРАЛЫКТААХ НАҺААР
1939 сыллаахха сэттэ уончатыгар өлбүт. Бэрт кыра сааһыттан
олоҥхолуу үөрэммит. Айылҕаттан уус-уран тыллаах, уһун тыын-
наах, күүстээх кэрэ куоластаах идэтийбит сүдү олоҥхоһут. Биирдэ
Р.П.Алексеев киниттэн төһө олоҥхону билэрин ыйыппытыгар: «Ээ,
бүтүн буордары-сыыстары мустахпына 30-чаны олоҥхолуом эбитэ
буолуо», — диэбит. Наһаар Бөтүкүөп сүрдээх үлэһит, бэртээхэй
тимир ууһа эбит. Ол эрээри, ордук олоҥхоһут быһыытынан дьоҥҥо
киэҥник биллибит. Эдэр эрдэҕинэ Бүлүү өрүһүн сүнньүнэн, хоту
сирдэринэн олоҥхолуу, ыллыы уонна тимири уһана сылдьыбыт.
Кэлин сааһыран баран Дьокуускай куоракка уонна Өлүөнэ өрүс
илин-арҕаа эҥээринэн кэрийэ сылдьан олоҥхолообут. Кини тиит
төрдүгэр олорон эрэ аһыырын, утуйарын да умнан, төгүрүк суукканы
быһа соҕотоҕун олоҥхолуурун дьон көрөрө үһү. Наһаар Бөтүкүөп
Р.П.Алексеевы-Бөҕө уолун Арамааны олоҥхолуурга уһуйбут.
Олоҥхолоро:
1. Үөлэн Харцааччы.
2. Алаатыыр Ала Туйгун.
3. Аҕыс уон араҕас атыырдаах, тоҕус уон толомон оҕустаах дохсун
сырыылаах, дьулусханнаах айаннаах, тумул тыа быһаҕаһын саҕа сур
дьаҕыл аттаах Дуолан Боотур.
4. Хайҕамсык Хара Хаан оҕонньор, Хабыр баай эмээхсин.
5. Байдам сиэр аттаах Баабый Баатыр.
6. Сарахана Күүркэнньик.
7. Туруорбах Бэргэн.
1. А л е к с е е в Р .П . Олоҥхоһут Наһаары истибиккит дуо?//Ленин-
скэй тэрийээччи. —1975. —Балаҕан ыйын 28 күнэ.

48