Page 48 - Олоҥхо биһигэр

2. ОЛЕСОВ ПЕТР САВВИЧ-КҮӨХ БҮӨТҮККЭ
( 1 8 6 8 - 1 9 5 5 )
Олоҥхоһут, кэпсээнньит, былыргы үҥкүүһүт. Үөрэҕэ суох. Хара
үлэһит. 15 сааһыттан ыллаабыт, олоҥхолообут. Олоҥхолуурга Ни­
кифоров Ларион Прокопьевичтан (I Лөгөй) үөрэммит. Аҕата Олесов
Савва Максимович ааттаах ырыаһыт. Оройуонун нэһилиэктэрин кэ-
рийэ сылдьан киэҥник олоҥхолообут. Уус-ураннык, олус үчүгэйдик
хоһуйар, көрүдьүөс тыллаах-өстөөх киһи эбит.
1949 сыллаахха Күөх Бүөтүккэ Суотту сыһыытыгар олордоҕуна
учуонай И.В. Пухов көрсөн олоҥхолорун суруйбут. «Ханнык да
кураан, ыраас күн кини ыллаатар эрэ ардах түһэрэ», — диэн биир
Лөгөй кырдьаҕаһа дьиибэргээн кэпсиирэ. «Аҕабын Сыҥаахха, Суот-
туга, Лөгөйгө ыһыах ыстараары атынан кэлэн илдьэ бараллара.
Аҕам ыҥырыыга сылдьар буолан, куоракка улахаттарга, нэһилиэккэ
тойотторго түһэн олоҥхолуура. Оҕонньор өлүөр дылы оһох иннигэр
олоро түһэр да ыллыыр үгэстээх этэ. Ону олох аахайбат этим. Эн
иһит-истимэ ыллыы олорор буолара. Утуйа сытан кытта ыллыыра,
аһыырыгар эрэ тохтуура», — диэн Күөх Бүөтүккэ кыыһа Нафанаи-
лова М.П. ахтара.
Олоҥхолоро:
1. Тоҕус халлаан дьулайыгар тура төрөөбүт Ньургун хара аттаах
Дьуларытта Бэргэн. Барашков С.И. 1941 с. суруйбут. (5 ф., 7 уоп.,
21 дь.)
2. Күннүк төгүрүмтэлээх, көс усталаах көдьүнэ маҥан аттаах
көҥүлүнэн үөскээбит Көрүлүүр Көр Дьэллик Бухатыыр. Готовцев
М.С. 1941 с. суруйбут. (5 ф., 7 уоп., 46 (83) дь.)
3. Байҕам сиэр аттаах баай киһи оҕото Баабый Баатыр.
1-2 олоҥхолор Никифоров Л.П. олоҥхолоро (I Лөгөй).
3-с олоҥхо Никифоров М.С. олоҥхото (I Лөгөй).

ХОРО НЭҺИЛИЭГЭ

1. АНДРОСОВ НИКОЛАЙ ПАВЛОВИЧ-МОРҔОЛДЬУН

1960 сыллаахха 90 сааһыгар өлбүтэ. Олоҥхолоро суруллубатахтар.
Олоҥхолоро:
1. Кыргыска мииниллэр кыһыл буур аттаах Тойон Дьаакыры-
ман.
2. Халлаан кыырдын уола Хаадыат Мохсоҕол.
3. Хара дьаҕыл аттаах Алыы Хандалы Бухатыыр.
4. Сэттэ бухатыыр кыайан көтөхпөтөх симилиэс талах кымньыы-
лаах Дэгиэ Бэргэн.

4 4