Page 53 - Олоҥхо биһигэр

4. ОГОТОЕВ ПЕТР ВАСИЛЬЕВИЧ
( 1 9 1 0 - 1 9 7 7 )
1988 с. Петр Васильевич Оготоев (1910—1977) — Саха АССР
оскуолаларын үтүөлээх учуутала, РСФСР норуотун үөрэҕириитин
туйгуна, 40-тан тахса сыл нуучча тылын уонна литературатын учуу-
талынан Таатта, Амма, Уус Маайа, Горнай , Уус Алдан улуустарынан
үлэлээбитэ, үөрэппит оҕолоруттан саха норуотугар киэҥник биллэр
академик А.Н.Осиповы, Российскай Федерация народнай артиһа
М.М.Лобановы, норуот маастара, кырыымпаһыт И.М.Неустроевы-
Ырыа Ылдьааны, салайар үлэһит Г.Г.Никифоровы уо.д.а. ааттата-
лыахха сөп.
Олоҕун тиһэх күннэригэр диэри 30-ча сыл Уус Алдаҥҥа Лөгөй
орто оскуолатыгар учууталлаабыта. Үөрэх, наука, искусство, культура
ситиһиилэрин оскуола оҕолоругар, нэһилиэнньэҕэ киэҥник пропа-
гандалаабыта. Лөгөй орто оскуолатыгар үлэлиир кэмигэр айар үлэнэн
гахсыылаахтык дьарыктаммыта. Республика, оройуон хаһыаттарыгар
киэҥник бэчээттэммиттэрэ. Литературнай нэһилиэстибэтиттэн «Эһэ
хара аттаах Элэс Баатыр» олоҥхо сүрүн айымньыта. Итини таһынан
хоһооннору, тойуктары, күүстээхтэр Мае Мэхээлэ, Бөҕө Тараҕай,
Бөҕө Тоттук, Хаптаһын Сэмэн уо.д.а. тустарынан номохтору суруйан
хаалларбыта.
Хомоҕой тыллаах лектор этэ. Уус-уран самодеятельноска актыы-
бынайдык кыттан нэһилиэнньэҕэ холобур буолара. Тойуксут быһыы-
тынан биллибитэ. Ойуун оруолун оонньоон толороро. Республикаҕа,
оройуоҥҥа ыытыллар педагогическай ааҕыыларга ситиһиилээхтик
кыттара.
Петр Васильевич Оготоев Өксөкүлээҕи Ойуунускайы төрөппүт
талыы-мааны Тааттаҕа күн сирин көрбүтэ, оҕо сааһа ааспыта. Аллараа
Амма нэһилиэгэр кыыс Амма үрдүгэр народнай суруйааччы Амма
Аччыгыйын кытта ыаллыы олорбуттара, аймахтыылар.
Биэс оҕону төрөппүттэриттэн 3 кыыс, 2 уол баар. Улахан уол
Оготоев Егор Петрович — үрдүк үөрэхтээх скульптор-монументалист.
Кыра уол Оготоев Петр Петрович — профессионал-хомусчут.
Уус Алдан Лөгөйүгэр Петр Васильевич ордук тахсыылаахтык
үлэлээн улахан олоҕу олорбута.

II ЛӨГӨЙ НЭҺИЛИЭГЭ

1. КУДРИН АНДРЕЙ-МОЧЧООҺУК УОЛА

XIX үйэ олоҥхоһута.
Олоҥхолоро:
1. Сылгы уола ньылбыгыр маҥан аттаах Дыырай Бэргэн.
(Кор: Охлопков П.А-Наара Суох. — I Суотту.)

4 Заказ № 119 4 9