Page 406 - Алаатыыр Ала Туйгун. 2-с үйэтэ

14377 — Курудуйан — сөптөөҕө: курутуйан.
14532 — Бөртөлөөҕүн — текскэ барытыгар: бөлтөлөөҕүн.
14752 — Көтөрү — лит.: көтүрү.
15242 — Дьуккуйан истэ — дьүккүйэн истэ. Олоҥхоһут дорҕооннор
дьүөрэлэһиилэригэр сөп түбэһиннэрбит быһыылаах.
15756 — Маҕан — маҥан.
15948 — Чүүччэх — быһыыта, тууччах балык.
16103 — Дьабалдьатыттан — лит.: дьабыдьытыттан.
16197 — Кыйахалаатахха — сөптөөҕө: куйахалаатахха.
16575 — Байах — быһыыта: баҕах.
16752 — Мин бэрт кыра эрдэхпиггэн ииппит аҕам Бөҕө Бөөтүр диэн
хос ааттаах, Алексеев Петр Григорьевич, миигин сэттэлээх-аҕыстаах
сааспыттан олоҥхо тылыгар-өһүгэр үөрэтэрдии үөрэтэрэ. Аҕабыттан
үөрэнэн, тугу билбиппин хоно кэлбит хоноҕоһо иннигэр киирэн
олорон, олоҥхолообутунан барар буоларым. “Маннык кыра уол бу
хантан үөрэнэн бу курдук олоҥхолуур”, — диэн дьиибэргиир буо-
лаллара. Кини “Халыан хара аттаах Хардааччы Баатыр” диэн олоҥхону
үөрэтэр этэ.
Мин онтон кэлин “Сур дьаҕыл аттаах Тустуулаах Дьуруо Бөҕө”
диэни олоҥхолуур буолтум. Ол олоҥхону бэйэм нэһилиэгим киһитэ
Лэкээрин Бүөтүкэ уола Лаһыанай диэн хос ааттаах Сивцев Егор Пе-
тровичтан истибитим.
“Көҕүлүмтүө-Дьаҕылымтыа аттаах тураҕастай Бэргэн” диэн олоҥ-
хону Дүпсүн улууһа II Өспөх нэһилиэгэ Бөхсүлүйэ уола Бөчөх Баһылай
диэн кырдьаҕас олоҥхоһуттан истибитим.
“Дьалысханнаах сырыылаах, дьалхааннаах айаннаах Дьаҕыл сиэр
аттаах хаан Айыы Дьаргыстай” диэн олоҥхону Бороҕон улууһа Хоро
нэһилиэгэ Мочохоос уола Дмитрий Бурцевтан истибитим.
“Хайҕамсык Хара Хаан оҕонньор, Хабыр эмээхсин” диэн оҕото
суох кырдьан хаалбат дьон оҕото булуммуттарын туһунан олоҥхону,
“Байдам сиэр аттаах Баабый Баатыр” диэн соҕотох киһи туураланан
үөскээбитин туһунан, “Сарахана Күүркэнньик” диэн абааһы кыы-
һыттан төрүттэнэн тахсар уонна бу “Алаатыыр Ала Туйгун” диэн
олоҥхолору Бороҕон улууһа I Лөгөй нэһилиэгэ Наһаар Бөтүкүөптэн
истибитим. “Алаатыыр Ала Туйгуну” аҕыс айыы алгыстаах олоҥхо
диэн ааттыыра кини.
“Арҕаһыгар арыы мастаах, аҥаалык улардаах, моонньугар боруу-
лаах күөллээх, мооту кустаах, буурҕалаах айаннаах бурҕаат буулур
аттаах Буура Дохсун бухатыыр” диэн олоҥхону Байаҕантай улууһа Бача
Баһылай Заболоцкайтан истибитим. Онтон да атын кыра олоҥхолору
олоҥхолуур буоларым.
Бу олоҥхолорбун олоҥхолууу сылдьыбытым, олортон талан бу
“Алаатыыр Ала Туйгуну” олоҥхолоотум. Олоҥхо тыла-өһө кэпсээнэ
- 398 -