Page 9 - Алаатыыр Ала Туйгун. 2-с үйэтэ

ЛААТЫЫР АЛА ТУЙГУН

(Иккис үйэтэ)

Суорба тааһы
Суура муус курдук
Тоҕута тэлиннэ,
Күрэ тааһы
Көмүрүө хаар курдук
Көҥүтэ үктүөтэ,
Сымара тааһы
Сыа хаар курдук
Быһыта тирэннэ.
10 Т үөрт туйаҕыттан
Түөрт холлоҕостоох
Холлоҕос быһаҕаһын саҕа
Кутаа уот
Өрө субуруйан хаалла,
Сүллээх этиҥ курдук
Ньиргийэ турда.
Өр да буолбата,
Өтөр да гыммата
Сымара таас
20 Чыыстай дойдуну
Аһара көтүтэн,
Куугунуур кумах дойдуга
Куһууран таҕыста.
Кыһыл кумаҕы
Кыыһар былыкка кытыаһыннарда,
Үрүҥ кумаҕы
Үрдүк былыкка өрүкүттэ,
Суудал кумаҕы
- 5 -