Page 14 - Алаатыыр Ала Туйгун. 2-с үйэтэ

Торҕон борө курдук
Улуһа хааллылар,
Сымара таас ойута барбыта
Сырҕан эһэ курдук
Часкыһа хааллылар.
Хайыр таас хайыта барбыта
Хардааччы кыыл курдук
Хаһыытаһа хааллылар.
Хайдыы кэҥистэри *
210 Хардыыларын иһигэр хааллартаатылар.
Үҥкүр күөллэри
Үрдүнэн ойуолатан,
Моой тумуллары
Буурдарын иһигэр быраҕан,
Буурҕа-силлиэ аргыстанан,
Буут быстарынан
Муҥутуур түргэнник айаннаан
Бурҕачытан истилэр.
Аттаахпын диэн
220 Аттаах куоплата,
Хайыһардаахпын диэн
Хайыһардаах хаалбата.
Наарта сыарҕа
Сыҥааҕын курдук
Тэбис-тэҥҥэ
Тардыалаһан истилэр.
Бу иһэн
Хайыһардаах киһитэ
Саманнык диэн
230 Саҥа-саҥара испитэ үһү:
— Алаатыгар, алаатыгар!
Аллаах айаннаах,
Ахсым сырыылаах,
Араҥас сиэр аттаах
Аҕыс ыйдаах
Алаатыыр Ала Туйгун бухатыыр!
Атаска холуйбатах атаскааныам,
Доҕорго холуйбатах доҕоруом,
Үөһээ дойдулуу
240 Түөртмүһэм
Сүгүрүс буоллун,
Аллараа дойдулуу
Аҕыс мүһэм
- 10 -