Page 12 - Алаатыыр Ала Туйгун. 2-с үйэтэ

Анна биллибэт
Аҥылҕаннаах аппалардаах,
Тугэҕэ биллибэт
Дьөлөккөй кэҥистээх,
Мунура биллибэт
120 Муус уорааннаах,
Өҥөйдөр көстүбэт
Үмүрүйэр үҥкүрдээх,
Дабайдар бараммат
Тараҕай таас дабааннардаах,
Түстэр бүппэт
Түҥкэтэх, дириҥ түһээннэрдээх,
Часкыйа улуйар саталаах,
Кыскыйар-кыланар кыыдааннаах,
Эдэр киһи
130 Имин хаанын
Кубарыччы охсон кэбиһэр
Сытыы чысхааннаах тыаллаах,
Уолан киһи
Уоһун хаанын
Супту оборон ылар
Оботтоох хобдох салгыннаах,
Иһиллээтэр иһиллибэт
Иччитэх кин кир хара
Килэгир таас
140 Дойду устун
Дьабыдьытан-дьалкытан истэ.
Бу истэҕинэ
Сытыы тыас чыскыйда,
Хатан тыас хаһыырда,
Дохсун буурҕа курдук
Куһаҕан киһи
Кулгааҕын кулугута
Уһулу ыстанар гына,
Хоҥкуйа таас төбөтүттэн
150 Хайыһар тыаһа
Хаһыыран түстэ.
Кырыы хараҕынан
Кынчас гына көрбүтэ —
Суорба хара тааһы
Хараҕатыгар диэри
Тоҥот хаар курдук
Тобулута тайанан

- 8 -