Page 10 - Алаатыыр Ала Туйгун. 2-с үйэтэ

Соһуу былыкка субурутта,
30 Добун холорук доҕордонно,
Аан халарык аргыстанна,
Силбиэ-халарык сирдьиттэннэ,
Тэбиннэрэн-тэбиэһирдэн,
Дьигиһ итэн - сикситэн,
Уурдаран-оҕустаран,
Айаннатан - астаран,
Дьабыдьытан-дьалкытан,
Таас кумах дойдуну
Аһара көтүтэн,
40 Хордоҕой хонуутугар кутуйахтаах,
Көмдүргэн* хонуутугар күтэрдээх,
Хороҥ оттоох,
Токур мастаах
Хобдох үрүйэлэр
Кураайы толооттор устун
Куугунатан истэ.
Ол анараа тардыытыгар
Үөл оттоох,
Үүнэр мастаах,
50 Үөскүүр кыыллаах,
Үрүҥ күннээх,
Үүт ыйдаҥалаах
Үтүө дьаҕыл дойду
Өрөгөйдөөх көҕүлүгэр
Өрө сүүрдэн,
Өрүкүтэн таҕыста.
Хардаҥ хара тыаны
Хаппыт хамыс*
Чахчатын курдук
60 Хардарҕаччы* тэбистэрдэ,
Куруҥ хара тыаны
Кур кулуһун курдук
Курдурҕаччы үктээтэ,
Сис хара тыаны
Сэтиэнэх от курдук
Сирдиргэччи тэбистэрдэ,
Үрдүк хара тыаны
Өлөҥ от курдук
Үлтү сыыйда.
70 Чуор мае
Тосту ыстаммыта —

- 6 -