Page 13 - Алаатыыр Ала Туйгун. 2-с үйэтэ

Тутан иһэр
Икки суорбан маҕан хаалыктаах*,
160 Күрэ таастары
Көмүрүө хаар курдук
Көҥүтэ көппүт,
Хайыр таастары
Кыраһа хаар курдук
Хайа тыыран иһэр
Хара килэдьи хайыһардаах,
Күскэс таба тириитинэн
Көҥкөччү таҥныбыт,
Даҥда таба тириитинэн
170 Дагдаччы таҥныбыт
Хара эһэ хаппардаах,
Кыһыл саһыл кыалыктаах,
Бөлтөлөөх * бөрө бэргэһэлээх,
Былас ордуга
Туос аҥара сирэйдээх,
Багдаллыбыт сарыннаах,
Мардьаллыбыт түөстээх,
Майҕаллыбыт өттүктээх,
Маадьаллыбыт атахтаах,
180 Болбукта ойууру бойбуурунан,
Үөл ойууру
Өгтүгүн быыһынан,
Үрүҥ тыаны
Хонноҕун аннынан
Куотан иһэр
Хорсун-хоһуун дьүһүннээх,
Быһый-сыыдам быһыылаах,
Күүстээх бөҕө көрүҥнээх,
Кыһыл сымара тааһы
190 Кыраһа хаар курдук
Кыыс бэрбээкэйинэн
Хайа тыыран,
Ойоҕолуу сүүрэн,
Уһуутатан иһэр эбит.
Турар туруук хайаны
Тумнубакка туруору ойуттулар,
Үрдүк дьулаҕай тааһы
Өрүтэ сүүрдэн өрүкүтэн
Таҥнары сүүрдэн дьабыдыттылар.
200 Суорба таас турута барбыт?

9 -