Page 11 - Неизвестное название

Өлөрөн-алдьатан,
Үтэн-үөлэн,
Үссэнэн-аһаан,*
Ү өгүл эһэн- хаһыытаһан,
Үөрдүһэн-чөмөхтөһөн
Үөскээн олорбут.
Кэргэҥҥэ сөбүлэспэтэх
120 Кыдьылгы хара кыргыттардаах,
Ойоххо тапсыбатах
Удулҕа буура
Дохсун уолатгардаах,
Хотоҥҥо киирбэт
Хоро төкөрөҥ ынахтаах,
Далга киирбэт
Татаар дьаҕыл биэлээх,
Суларын кэппэт
Суордуйа мөҕүл атыырдаах,
130 Бурҕалдьытын кэппэт
Буулаҕа хара
Өҥүрүү бүөттүк оҕустаах,*
Үлүгэрдээх өлөрсүүлээх
Үс-биис уустарын
Торолуйар тойонноро,
Чинэрийэр кинээстэрэ буолбут.
Уордаах кылыннаах
Омуннаах-төлөннөех,
Оһоллоох торуоскалаах,
140 Уоттаах харахтаах,
Оботтоох-чугтчурҕаннаах,
Оллур-боллур уостаах,
Уорааннаах тэлгэһэлээх,
Уораһыйар уораҕайдаах,
Одурууннаах дьаһаллаах,
Уодаһыннаах дьүүллээх,
Уһуутуур тыыннаах,
Уолугун үүтүгэр
Олорор оҕо саҕа
150 Оботтоох урдаах,
Бэлэһин төрдүгэр
Биһиктээх оҕо сада
Бэтиэхтиир мөнеҕөйдөөх,
Иһин түгэҕэр
Иринньэх оҕо саҕа

- 8 -