Page 16 - Неизвестное название

Астымматах-топпотох
Арсан Дуолай оҕонньор
330 Уһуутуур ордуутуттан,
Оронуттан-тэллэҕиттэн
Уһуктан туран,
Уордаахтык-кыланнаахтык,
Омуннаахтык-төлөннөөхтүк
Ордоотуур эбит,
Саталлаахтык айдааннаахтык
Саҥа саҥаран
Сатарыйар буолбут:
— Бу отуг ургунньахтаах,
340 Орто туруу дьовул дойду
Улай дьэҥкэ киинигэр,
Олохсуйан үөскээбит
Ураанхай биистэрэ,
Айыы хаан аймахтара
Кун Тэгиэримэ эбэ хотун
Килэдийэр киинигэр,
Дьогдойор саалыгар,
Туналыйар ньуурутар,
Туйгугуур уорҕатыгар
350 Торолуйа тоттохторо,
Барҕара байдахтара
Баара үһү.
Төрүүр төрүөхтэрэ
Төлөһүйэн элбээтэ,
Иитэр сүөһүлэрэ
Чэчирээн үксээтэ,
Ыһар буор курдук
Ыччаттара, о^олоро ууһаата,
Кутар кумах курдук
360 Күргүөм-билэ дьонноро
Көрүлээн үөскээтилэр,
Уйгу-быйаҥнара
Ортотунан томтойдо,
Кытыытынан бысхайда,
Ону мин диэтэх диэн киһи
Нүһэр бөҕөлөрүм,
Дуолан бухатыырдарым,
Бэвэдийэр бэртэрим,
Ааттаах адьырҕаларым
370 Адалыһан тахсаҥҥыт,

- 13 -