Page 103 - Сергей Васильев. Хоһооннор, поэмалар
P. 103
Күүс өттүнэн күөмчүлээн,
Көстүбэт албаһынан күүһүлээн
Күн сирин дьонун
Көмүскэтин уутунан сууммут,
Элбэх ийэ сүрэҕин
Эриэн кыыллыы эммит,
Оҕо-уруу
Уйатын охторбут,
Оҕонньор-эмээхсин
Уутун уйгуурпут —
Гитлер сэриититтэн
Аан Ийэ дойдугун,
Аймах билэ дьоҥҥун 1
Айыы бухатыырыныы
Араҥаччылыы барыс!
Фашист сэриитин
Баһын хампарытан,
Чиккэйэр сиһин үөһүн
Чэрдээх илиигинэн,
Быта оттуу,
Быһыта сынньыс!
Хааннаах суолун '
Хаарынан сууйаҥҥын,
Симэһиннээх суолун
Сиппииринэн сиппийэҥҥин,
Сир Ийэ көхсүгэр
Сибэккитэ анньыс!
Аҕабыт Ленин
Аалай былааҕын
Күн диэки
Күөрэччи ууммутунан,
Көмүс уйабытын
Күрүөлүү турус!
Ийэ буорбутун
Эргийсэ сырыт!..
Өстөөхпүтүн өһөгөйдөөн,
Өрөгөй-талаан үрдээн,
Этэҥҥэ сылдьаҥҥын
Эргийэн кэллэххинэ,
Аймахтаргын ыҥыран
Арыаллаан көрсүөҕүм,
7 С*?г^^ Васрльгв [97
