Page 115 - Сергей Васильев. Хоһооннор, поэмалар

Ким
Төрөөбүт сир’бит
Түрмэ буоллун диэй?!
Ким
Ыллыыр оннугар
Ытыах-соҥуох диэй?!
Суох!
Суох!
Тылбыт хамсыырын тухары,
Инньэ диэхпит суоҕа!
Тыыннаахпыт тухары,
Иннибитин биэриэхпит суоҕа!
Баараҕай күүһүнэн
Бары тахсан,
Аалай кыһыл былаахпыт
Анныгар мустан —
Аҕабыт Сталин, аатыгар,
Айхаллаах Армиябыт иннигэр
Аан дархан андаҕары
Андаҕайан эрэбит!

Уоттаах харахпыт
Уһуктаныа-сытыыланыа! — диэн,
Тыылга үлэбит
Тыыллыа ыстааллыы! — диэн,
Аан дархан андаҕары
Андаҕайдахпыт буоллун!

Хагдарытар-кугдарытар
Капитализм биистэригэр
Хонуубутун, толооммутун
Кубарыттарыахпыт суоҕа! — диэн,
Аан дархан андаҕары
Андаҕайдахпыт 'буоллун!
Самолету миинэммит
Салгыҥҥа ыттаммыт,
Ийэ сирбит үрдүттэн
Илбис хара суордарын,
Этшпппт ултү т^'йЭн,
Эһэ-быһа туруохпут, — диэн
Аан дархан андаҕары
Андаҕайдахпыт буоллун!
1С9