Page 114 - Сергей Васильев. Хоһооннор, поэмалар

Очуос-аппа ороспуонньуктара
Охторуохтара суоҕа!
Күндээр-сандаар
Күлүмнүүр күн уотун
Күдэрик былыттар
Күөнтүүллэрэ буолбатах, —
Көҥүлбүт сырдыгын
Күөх биинэн тэлэкэччийбит
Көлдьүттэр фашистар
Күлүктүөхтэрэ суоҕа!
Кырдьыкпыт иһин охсуһабыт,
Кыайыы биһиэхэ буолуоҕа!
Төрөөбүт сирбит иһин охсуһабыт
Түмүк биһиэхэ буолуоҕа!
Дьэ эрэ, күүһү-уоҕу түмүөҕүҥ!
Дьэ эрэ, тутта-хапта түһүөҕүҥ!
Эрдээх зрдээҕин биллэрэр
Эриирдээх кэмэ дьэ кэллэ!
Тутуулаах тутуутун көрдерөр
Туһааннаах күнэ дьэ үүннэ!
Дьэ эрэ,
Кыптыыйдаах, кыптыыйгын
Түргэнник кыбырҕат!
Дьэ эрэ,
Хотуурдаах, хотуургун
Сытыылаан кылбаҥнат!
Дьэ эрэ,
Биир бэйэҥ биэс буол,
Дэбилий эрэ, баай-дуол!
Ким керөн туруой,
Ким тутах туттуой?!
Ким
Үрүҥ күммүт
Өлбөөрдүн диэй?!
Ким
Кэрэ кэскилбит
Кэҕиннин диэй?!
Ким
Куораппыт, селобут
Хоруордун диэй?!
Ким
Оруосканан таһыллан
Оҕустуу көлүллүөх диэй?!