Page 112 - Сергей Васильев. Хоһооннор, поэмалар

Сири кытта тэҥнээри —
Суостаах тэргэттэринэн
Суптурута одуулаата,
Тууспаннаан, дьаадаранан
Тоҕута ытыалаата...
Кыһыл Армия
Кырыынан көрсүһэн, —
Уһуктаах өргөстүү
Уун-утары кэтистэ,
Хомпоруун хотойдуу
Хорсуннук түһүстэ...

Ити курдук
Икки өстөөх күүс —
Сырдык уонна хара күүс, —
Эпсэри түсүһэн,
Эллэһэн истилэр,
Хардары анньыһан,
Хааннаһан бардылар...
Сүллэр этиҥнии
Сүҥкэн тыастар
Онтон буоллулар,
Көмүөл мууһунуу
Күрүлүүр ньиргиэрдэр
Онтон турдулар...
Билэбит туох иһин охсуһары!
Билэбит ким иннигэр турунары
Урукку үйэҕэ
Оруосканан таһыллыбыппыт,
Тойокко тобуктаан
Токуйа хаппыппыт,
Кулаакка кулуттаан
Курдаҥ тииттии куурбуппуг...
Оннук кырыыһы
Уотунан утарсан,
Баатырбыт — нууччабыт
Бастаабыт суолунан,
Күүрээннээх Октябрь
Күргүөрдээх этиҥинэн,
Тоҥ хаайыылары
Тоҕута түспүппүт...
Улуу Лениммит
106