Page 130 - Сергей Васильев. Хоһооннор, поэмалар

Эдэркээн чэрэйбит тугуну
Эриэ« үөн эрийэ сытарын,
Хахай кыыл түүн, иирэн, ойууру
Харса суох барчалыы сылдьарын
Тумулу үрдүнэн көрөрүм,
Тумаҥҥа еөрүөстэн биэрэрим.
Ол кэмим устатын тухары
Бу маннык сидьиҥнии, фашистыы
Кытыастар хаанынан сууммуту,
Кытарар уопунаи тыыммыты
Дьуккуччу харахтыы илигим,
Дьулайдым, быдьартан сиргэнним..
Диэтэ ый, санаабар, одуулаат,
Дэрбэйэн сир көхсүн сырдатаат,
Кутуллар сүүрүккэ олорбут
Кубалыы, бытааннык, кылбайаат.

III
Оо, кырдьык, ЭТИЭХХИН этэҕин
Ороспуой олупун одуулаат,
Элбэҕи саныырбын билэҕин
Эн диэки утары хайыһаат.

Билэбин, эн уоккун кылбатан,
Билигин хаар үрдүн сырдатан
Кө|рөҕүн: халыйбыт хааннары,
Кытыастар, салбанар уоттары.
Көрөҕүн: умнаһыт тоҥхойон
Күл устун үнүөхтээн иһэрин!
Эҥин бэрт моонньуттан ыйанан
Эйэҥнии-биэтэҥнии турарын.
Түннүгү үүтүнэн өҥөйөн
Түүн аайы көрөҕүн, сэрэнэн,
Биһиктээх оҕону ийэтэ
Бигиирин соҕотох илиитэ;

Саһарбыт баттахтаах эһэтэ
Санаарҕаан уһуутуу сытарын,
Токуйа кырдьыбыт эбэтэ
Тураары өндөҥнөөн эрэрин.
124