Page 134 - Сергей Васильев. Хоһооннор, поэмалар

Буһуктаах толоонугар
Бухатыырдыы хаамсарбыгтан
Ол бараары
Оҥостор түлүөммэр:
Оҕолорум уһуктан
Уолуйбатынар диэн,
Уллуҥаҕым уһугунан дупуннум;
Сыллыыйдарым сыыһа
Сылаастык сынньаннынар диэн,
Сыттыктарын көбүтэн биэрдим.

Билэбин —
Утуйар сылаас уу
Уйгуурара омуннааҕын,
Турар халҕан аан
Тоҥсуллара дьулааннааҕын.
Оо,
Төһө эрэ дүннүк
Дүрбүлүннэ буолла,
Хас эрэ халҕан
Хайытталанна буолла?!
Хас эрэ
Утуйа сытар кэргэҥҥэ
Уһуктаах ыстыык үөмтэ,
Сымнаҕас түү сыттыкка
Сылаас уу тоҕунна?!
Ол ону оҥорбут
Ороспуой фашистары
Уолуктарын хараҕалаары,
Уодай хаана хааннанан,
Ох курдук оҥоһуннум.
Аҕаҕыт алгыһа
Арчылыы нуруохтун:
Үтүмэх бэкир күлүктээх
Үрдүгүтүн өҥөйбөтүн,
Суон хара күлүктээх
Суорҕаҥҥытын арыйбатын,
Улук тымныы илиилээх
Уһугуннаран уолуппатын,
Бороҥ туман дууһалаах
Боруоккутун атыллаабатын!
128