Page 127 - Сергей Васильев. Хоһооннор, поэмалар

ЫЙЫ КЫТТА к э п с э т и и

I
Өйдүүбүн: күһүҥҥү ыйдаах түүн
Үрдүк сыыр үрдүнэн, суол устун,
Сис туттан, күүлэйдии сылдьарбын,
Сир үрдүн одуулуу турарбын;

Хамыстаах көлүйэ көхсүгэр
Халлаантан ыйдаҥа тыгарын,
Көнөтүк көй долгун үрдүгэр
Көмүстүү күлүмнүү сытарын;

Мундууска чалымныы оонньуура
Тиэрбэстии төгүрүс гынарын,
Күөх хамыс суугунун быыһыгар
Көччөх кус маатыргыы мустарын;
Эбириэн ийэ түүн үөһүгэр
Эргиллэн тиэргэммэр киирэрбин,
Кирээдэ таһыгар сүөһүлэр
Кэбинэр тыастарын истэрбин.

*
* *
Өйдүүбүн: өрдөөҥү күннэрбин,
Үөрэнэ, көрүлүү сылдьарбын;
Ыйд&ах түүн ыччаты мунньаммын
Ыллаһа-ыллаһа хаамарбын;
Сэмэнчик сиэттиһэн иһэн, дэҥ,
Женяны хаарынан ыһарын,
Ол ону Афоня ситиһэн
Уолчааны кэнниттэн ыларын;
121