Page 137 - Сергей Васильев. Хоһооннор, поэмалар

Ойоору
Оҥостуммут омунугар —
Куоһуулаах
Кулугуруур хоолдьуга куһуурда,
Аалыылаах,
Алтан таһаа арҕаһа айаарда,
Танаммат,
Тардыы тимир
Тараһага дарылаата,
Уһуйбат
Укулаат тимир
Уорҕата орулаата.
Ол кэннэ
Тэхтиртэн тэйэн
тэрэйдэ,
Салгынтан тардыһан
сарайда,
Өндүл маҥан халлааҥҥа
Өре көтөн өндөл|үйдэ,
Субалаҥ маҥан халлааҥҥа
Супту тахсан сундулуйда.

Этиэх икки ардыгар,
Дьокуускай куорат дьиэлэрэ,
Дуобат саҕа буолан,
Чочоруһан хааллылар,
Эргэнэ хара тыалар,
Эрбэһин от курдук,
Эйбэриһэн истилэр;
Чыпчылыйыах бэтэрээ өттүгэр.
Чыыстай кэтит хонуулар,
Чычаас тыы түгэгуинии,
Чылбыһан бардылар...
Сатыы маҥан халлааҥҥа
Саппах, лоокуй былыгтар,
Самолет обурпу салгыныттан,
Сатаҕай сарапаан таҥаһыныы
Сахсыллаахтыы хааллылар;
Күндээр маҥан халлааҥҥа
Күлүк хара былыттар,
Көтөр ытылгы күүһүттэн,
Дьөрбө туостуу дриллэн,
131