Page 142 - Сергей Васильев. Хоһооннор, поэмалар

Мин барар паровоһум,
Улуу айаҥҥа турунаары,
Уохтаахтык чускуутаата;
Оууйуулаах сулур тимир
Сотууннара сулбуҥнаата,
Хатарыылаах хатан ыстаал
Харылара халбаҥнаата;
Үрүҥ буруонан
Өрүтэ уһуурбахтаата,
Сырылас паарынан
Сырдырҕаччы тыыммахтаата.

Киниэхэ
Бороҕон оҕото
Боракуопай Дайыылап
Хайы-үйэҕэ кэлэн
Хачыгаар буолбут эбит.
Саха уола
Саһархай иэдэһинэн
Саккыраан түһэр
Саһаҕалаах 'көлөһүнун
Илиитин көхс,үнэн
Илгимэхтээн кэбистэ.
Суон тимиринэн
Суорба хара оһох
Аарыктаах айаҕын
Арыйа баттаата,
Кытыастар кыһа
Кыһыл бэлзһин,
Олуйа-олуйа,
Уһуннук сууралаата,
Куулуначчы умайар
Кутаа уот хоонньугар
Тылыгырас тымныы чоҕу
«Тымтайынан» ыспахтаата.

Паровоз обургу,
Айаҥҥа турунан,
Аҕыс хараҕалаах
Ааргыгы арыйда,
Тоҕус кулугулаах
Суолу тобулла;
Чэгиэн мотуор сүрэҕин
136