Page 155 - Сергей Васильев. Хоһооннор, поэмалар

Сталин аатынан заводка,
Ыарахан, сөҥ балтанан,
Туртайа кытарбыт тимири
Туой курдук эллээччи...

Айаным суолугар
Аргыстар элбэхтэр...
Сорохтор,
Снаряд алдьаппыт сирин
Сабан-абырахтаан баран,
Сорохтор,
Котор аал ытылгытын
Күөҕүнэн лаахтаан 'баран,
Сорохтор,
Чэлгийэр детсад тэлгэһэтигэр
Дьиэрэҥкэйдии оонньоон баран
Дьиэлэригэр тиэтэйэн иһэллэр.
Бу,
Магниттаах ыллыгынан
Маяковскай станциятыгар
Маҥыратан кэллим.
Өрө сүүрүгүрэр,
Үрүҥ көмүс -кирилиэскэ,
Туруору тэбинэн
Турда турбутунан,
Күлүм-чаҕыл дойдуга
Күөрэс гына түстүм.

Манна, эмиэ,—
Мааны Москва
Мыраамар таас дыбарыас,
Манаар сырдык уот!
Метро!
Аатырар,
Арыл Москва метрота!
Албаннаах,
Аҕа дойдум метрота!
Эн,
Адьырҕа бииһэ
Арҕааттан харыйан
Ааҥныыр күнүгэр,
Н9