Page 164 - Сергей Васильев. Хоһооннор, поэмалар

Сип-сап силигирэйдэ;
Салаҥ ардах түһэн
Сатыы ойууру быыһынан
Сап-сип сабыгырайда.

Онтон-мантан,
Окуопаны үрдүнэн кыырайан
Сырдык ракета уоттара
Сырылаан үөһэ тахсан,
Харатга халлаан хабаҕалыгар
Хатанан сыдьаайа турдулар;
От-мас быыһыттан
Уохтаах автоматтар
Уот буулдьанан тибиирэн
Омуннанан ыллылар,

Ити икки ардыгар.
Эмискэ үлүгэр,
Хараҥа халлаан хайытталанан
Хардаҕас саҕа уоттарынан
Ха'бырыттарга дылы гынна;
Ийэ дугуй буор
Иһиттэн дэлбэритэ ыстанан,
Бугул саҕа уоттарынан
Бурҕаҥныырга дылы буолла.

Сиринэн,
Тимир «тиигирдэр»
Тиҥилэхтэрин тыаһа
Тилигирээн иһилиннэ.
Үөһэнэн,
Өстөөх самолета
Көтөр тыаһа
Күүгүнээн иһилиннэ.
Сыһыы иэнин үрдүнэн
Снаряд сыыйталаата,
Буор тумулу тоҕута
Бомба1 нүксүүрдээтэ.
Биһиги полкабыт,
Бирикээс ылан,
Ойуур саҕатыттан
Орудиенан ытыалаан,
158