Page 167 - Сергей Васильев. Хоһооннор, поэмалар
P. 167
Йкки тылы ботугураата...
Тиһэх күүһүн мунньан,
Телефон быһыттыбыт быаларьш,
Тиксиһиннэри салгыы тутан,
Тииһинэн хам ытырда.—
Телефон линията
Дирилии түстэ,
Сибээс туруупката
Сирилии тыынна.
Команда иһилиннэ,
Кутаа уот күүһүрдэ.
Үрэх уҥуор күлүҥнэһэр
Өстөөх танкалара
Үлтүрүтэ ыстанан
Өрүтэ көттүлэр;
Тилигирээн иһэр
Тимир «тиигирдэр»
Уотунан кытыастан
Урусхал буоллулар.
Түүҥҥү немец атааката
Төттөрү охсулунна.
Болуон буолбут буолатыттан
Будулҕан буруо көттө,—
Хараҥа түү-н дьайҕаран,
Халлаан кырыыта еырдаата...
«Бэрииһэп тоҕо кэлбэтэ?»—диэн
Бэрэбиэркэ буолла;
«Антошка тоҕо төннүбэтэ?»—диэн
Ахтыһыы 'буолла.
Провод быатын батыһан
Буойуну көрдүү бардылар.
Иһиллии иһийбит
Иһирик .ойуур саҕатыгар,
Телефон быатын
Тииһигэр ытырбытынан,
Өлө сытар
Өрүөлчээни буллулар...
Кыырыктыйбыт баттахтаах,
Кырдьаҕас нуучча офицера
Сергей Василъе» 161
