Page 170 - Сергей Васильев. Хоһооннор, поэмалар

Хаанымеах фашиһы
Хара буорга
Хараҕалыы аста,
Өндөйбөт гына
Үлтү сынньан,
Үрдүгэр тэтиҥи саайда!

Кыайыылаах Советскай Армия
Кылааннаах ыстаал кылыһа,
Кыайан-хотон
Кылбаа маҥан халлааны
Кырсын аннынан
Кылбааран, күлүмнээн таҕыста
Сууваҕалыы оонньообут
Субай хаанын соттон,
Солко өҥүнэн симэннэ;
Үөһүнэн саккыраппыт
Өһөх хаанын соттон,
Үрүҥ көмүстүү килбэҥнээтэ!
Аан дойду үрдүнэн
Албаннаах Советскай Армияны
Айхаллыыр музыка оонньоото,
Орто дойдуну улаҕатынан
Улуу Сталины
Уруйдуур «ураа» ньиргийдэ!

Көнньүөр,
Күбэй хотун ийэм!
Соттун хараххын,
Соҥуйбут эдьиийим!—
Саргылаах санныбыт үрдүттэн
Санаа хара тааһа түстэ!
Үрүҥ күммүт инниттэн
Өһөх буруо үүрүлүннэ!

Айхаллан,
Албан кыайыыламмыт
Аҕа дойдум!
Үөр.
Өрөгөйө үрдээбит
Үтүө норуотум!
Сэрии сиҥнэрбит бааһа
164