Page 174 - Сергей Васильев. Хоһооннор, поэмалар
P. 174
Сэгэрдэрбит түөһүгэр
Си'бэккитэ тамныаҕыҥ!
Уоту-күөһү көрсүбүт
Оҕолорбут чйэһигэр
Оһуокайдаан иһиэҕиҥ!
Халыҥ танка аттанан
Карпат хайатын үрдүнэн
Хамандыырдаан сылдьыбыт
Хабыычабыт ханнаный,
Харытыттан сиэтэммит
Хан-мыыбытыгар киллэрэн
Хатан тыллаах хамыстыы
Хаҥкыначчы туойуоҕу?!
Кычырҕас хайаны үрдүнэн
Кырынааты тамнаабыт
Кырысааммыт ханнаный,
Кыбынаахтаан сылдьаммыт
Кыталыктыы куоластаан
Кыҥкыната ыллыаҕы?!
Чэйиҥ-чэйиҥ, чэкийдээр,
Чэйиҥ эрэ, сэгэрдээр!
Орто дойду олоҕун
Уоттан-күөстэн быыһыырга,
Салбаҕырбыт саргыны
Сандаарытан биэрэргэ,
Оҕолорбут биһиэнэ
Олуктаабыт суоллара
Умнуллубат буоллун диэн,
Урааҥхайдыы уруйдаан
Оһуокайдыы туруоҕуҥ!
1945 с.
