Page 237 - Сергей Васильев. Хоһооннор, поэмалар

Халыҥ таас арҕастаах
Хайа курдук кытаанах!
Үрдук таас тумултан
Өҥейөн аллара көрдөхпүнэ,
Дириҥ муора долгуна
Дэриэспэ тааһы • кырбыыр,
Киии омуннаах күүһэ
Килиэ таас биэрэккэ
Киллиргэччи охсуолуур.

Муора уутугар көрөбүн
Муҥура суох элбэх кыраасканы:
Нарын күөх толбону,
Наһаа хойуу хараны,
Күлүмнүүр, тырымныыр чаҕылы,
Көрүөхтэн эриэккэс дьиктини.
Көрөбүн:
Сүүһүнэн кубулуйар кэрэни,
Сүтэр-ааһар эгэлгэни.
К им
Санаата маннык элбэҕий,
Сандаарар-күндээрэр дьэҥкэний?
Үрдүк таас очуостан
Өрө хантайан көрдехпүнэ,
Өндүл маҥан халлаан
Өҥө ыраах килбэйэр,
Уҥуор, ол саг>ах аннынан
Унааран чараастык хараарар,
Ып-ыраах, муҥура биллибэт,
Ып-ыраас, кыайан этиллибэт.
Ким
Санаата маннык ырааҕый,
Сандаарар-күндээрэр ырааһый?
Хоту өттүбэр
Кубаҕай туруору гранит эркиннээх
Аатырар Ай-Петри хайата
Арҕастанан, кирбиилэнэн турар.
Кини тэллэҕэ дэризспэ таас,
Килэдийэр килиэ таас.
231