Page 238 - Сергей Васильев. Хоһооннор, поэмалар

Онно араастаан кылбаҥныыр
Уоттаах таас өҥө,
Манна кэрэтик долгуҥнуур
Мрамор кэрэ ойуута.
Ким
Санаата маннык кытаанаҕый?
Санньыйбат, налыйбат арҕастааҕый?
Ити кэккэлээн тураллар
Элбэх дьиэлэр кылбаһан,
Бу лөглөһен көстөллөр
Будьурхай күөх ойуурдар,
Итинэн дьиэрэйэн ааһаллар
Элбэх дьикти ырыалар,
Үмүөрэн, бөлөхтөөн бараллар
Үөрэн-көтөн ыччаттар.

Ханнык биэрэк
Дьэ маннык двиктиний,
Бэһиэлэйий, кэрэний?
Мин Аҕа дойдем,
Бу ааттаах Хара муора кытыыта,
Бу үөрүүлээх эдэр ыччат тулата!
Бу ыччат тулатыгар:
Мичил үөрүү, ырыа,
Мэлдьи үтүө санаа!
Бу барыта
Кини арыалдьыта,
Б у Ийэ дойдум
Кэрэ кырааската!
Таптыыбын
Ийэ дойдум киэн иэнин,
Таптыыбын
Эриэккэс кэрэ сибэккитин.
Кини
Бухатыыр норуотун,
Кини
Бу эдэр ыччатын!
Мин иннибэр турар:
Долгуннаах хара баттахтаах,
Туруору үрдүк уҥуохтаах
232