Page 233 - Сергей Васильев. Хоһооннор, поэмалар

Күлүмүрдэе тимир көҕүстээх
Күүстээх трактор көлөлөммүккүт,
Уохтаах дохсун кыайыылаах
Уустук массыына тирэхтэммиккит,
Алааһы, сайылыгы курдат
Авто суолун тэлэйбиккит.
Электростанция тутаи
Ильич лаампатынан сыдьаайбыккыт,

Эһиги илиигитинэн киэркэйбитэ
Ийэ сирбит уорҕата,
Эһиги бүөбэйгитинэн үүммүтэ
Эдэр ыччат кэккэтэ.
Үрэх толсонугар түспүтэ
Үҥкүү, оонньуу ырыата,
Дьиэ ахсын киирбитэ
Дьикти үөрүү мичээрэ.
к
Оҕолоргут үүнэн дайбыттара, —
Оскуола иһиттэн кынаттанан,
Хэтунан, соҕуруунан барбыттара,
Хоһууттар үрдүк үөрэхтэнэн.

Кинилэр илиилэрэ киэргэтиспитэ
Киин куораттар мындааларын,
Ойуунан, саҥанан дьэргэтиспитэ
Улуу кыраайдар уорҕаларьш.

Уодаһыннаах фашист сэриитэ
Уоран саба түһэн,
Суоһаан, кимэн, —
Соһумар кыһалҕаҕа киллэрбитэ.
Илиигитин ньыппарынан, эһиги,
Ийэ сир күүһүн күүрпүккүт,
Уолаттаргытын-хотойдоргутун фроҥҥа,.
Уоту умуруортара, ыыппыккыт.

Өстөөх күүһүн үлтүрүтэн,
Үрүҥ күнү кылбаардан,
Эргийэн кэлээриҥ диэн атаарбыккыг.
Иэйэн, долгуйан алҕаабыккыт.
5* 227