Page 239 - Сергей Васильев. Хоһооннор, поэмалар

Донбасс эдэр уола,
Мин аттыбар турар:
Эрилкэй хара харахтаах,
Эриэккэс мичил бэйэлээх
Эдэр Харьков кыыһа.
Дорообо,
Аҕа дойдум күүһүн күүрдэр
Ааттаах Донбасс уола!
Дорообо,
Унаар оолко уорҕалаах
Улуу Украина кыыһа!
Мин, —
Хоһооҥҥо-ырыаҕа холбоспут,
Хотун Лена уолабын!

Биһиги бары,
Киэҥ Аҕа дойдубут
КилбиЭННЭЭХ КИИ'НИН
Кэрэ Москвины
Улуу сүрэхпит диэн,
Уруйдуу, ыллыы сылдьабыт.
Биһиги бары,
Биир ыраас салгынынан тыынан,
Биир кэрэ музыканан хардыылаан,
Киэҥ сырдык аартыгы солуубут,
Килбиэннээх коммунизмы тутабыт.
Мин эһиэхэ этиэхтээхпин:
Хатарыллан, уһаарыллан,
Халыҥ ыстаалтан оҥоһуллан,
Күөх халлаан күөнүгэр
КүүгүнҮҮ. тайаара көппүт
Самолет элбэҕин туһанан,
Саха сириттэн кэлбитим,
Саманна ол суолунан.
Мин эһиэхэ этиэхтээхпин:
«ХТЗ» тракторынан
Хара кырсы хайа тыыран,
Буоланы кэҥэтэн
Бурдугу үүннэрбити,
Авто массыынанан
Араҕас сзлиэһинэйи таспыты.
233