Page 259 - Сергей Васильев. Хоһооннор, поэмалар
P. 259
С Т Р А У С
Көрөбүн соҕуруу дойдуга
Көппөт көтөр баар эбит, ити!
Сүрдээх түргэнник ыраахха
Сүүрэн барар эбит кини.
Кылгас модьу кынатынан
«Кымньыыланан» дайан сүүрэр,
Тэтимнээх икки атаҕынан
Тэйэн-тэбэн түһэр.
Куохаҕар, уһун моойдоох буолан
Кутталы ыраахтан көрөр,
Сүүрэн, хахха сири булан,
Саһан хаалар өлөртөн.
Ырыаҕа-тойукка ылламматах
Страус диэн ааттаммыт,
Уоттаах куйааһа уҕарыйбатах
Унаар күөх дойдуга >уһаабыт.
Көрөбүн, итии дойдуга
Көппөт көтөр баар эбит.
Сүрдээх ыраах сиргэ
Сүүрэн сылдьар эбит.
1950 с.
